Pomacentridae

Pomacentridae
Stegastes variabilis
Wetenskaplike klassifikasie
Domein: Eukaryota Koninkryk: Animalia Filum: Chordata Subfilum: Vertebrata (Cuvier, 1812) Infrafilum: Gnathostomata Superklas: Osteichthyes (Huxley, 1880) Klas: Actinopterygii Orde: Perciformes Suborde: Labroidei Familie: Pomacentridae
Genera
Sien teks.

Die Nooientjievisse (Pomacentridae) is 'n vis-familie wat hoort tot die orde Perciformes. Daar is nege en twintig genera met drie honderd en vyftig spesies wat hoort tot dié familie en vyftig van die spesies kom aan die Suid-Afrikaanse kus voor.

Kenmerke

Die familie se lywe is bedek met klein skubbe en die grootte wissel van 7 - 30 cm. Die meeste van die genera verkies om in koraal en rots riwwe te leef. Die familie kan in drie groepe verdeel word volgens eetgewoontes:

• omnivore - die genera Abudefduf en Pomacentrus wat hoofsaaklik soöplankton, alge en skaaldiere eet.
• herbivore - die genera Plectroglyphidodon en Stegastes wat slegs sekere alge eet.
• planktivore - die genera Chromis en Dascyllus wat slegs soöplankton eet.

By die familie lê die wyfie die eiers op 'n oop rif wat dan deur die mannetjie bevrug en opgepas word.

Baie van die visse kan oorleef in akwariums.

Genera

Die volgende genera en gepaardgaande spesies kom aan die Suid-Afrikaanse kus voor:

• Abudefduf

• Abudefduf sordidus - Kolnooientjie
• Abudefduf sparoides - Valsoog-nooientjie
• Abudefduf vaigiensis - Sersant-majoor

• Amphiprion

• Amphiprion akallopisos - Neusstreep-anemoonvis
• Amphiprion allardi - Tweestreepanemoonvis

• Chromis

• Chromis dasygenys - Blouspikkel-chromis
• Chromis dimidiata - Sjokoladedip
• Chromis weberi - Donkerbalk-chromis

• Dascyllus

• Dascyllus trimaculatus - Domino

• Plectroglyphidodon

• Plectroglyphidodon leucozonus - Gordel-nooientjie

Sien ook

• Lys van visfamilies
• Alfabetiese lys van visse
• Lys van Suider-Afrikaanse visse volgens wetenskaplike name‎

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7