Randall Wicomb

Randall Wicomb
Geboortenaam	Randall Charles Wicomb
Gebore	30 Januarie 1949; Kaapstad
Sterf	27 Desember 2015 (op 66); Stellenbosch, Suid-Afrika
Beroep(e)	Sanger
Instrumente	Stem, Kitaar, Klavier
Webwerf	randallwicomb.co.za

Randall Charles Wicomb (* 30 Januarie 1949; † 27 Desember 2015) was 'n Afrikaanse sanger en driemalige wenner van die ATKV se Crescendo-sangkompetisie (1975, 1976 en 1977).

Lewensgeskiedenis[wysig | wysig bron]

Hy voltooi sy skoolloopbaan aan die Hoërskool Jan van Riebeeck in Kaapstad. Na skool doen hy militêre opleiding in die Valskermbataljon. Hy behaal die graad B.Sc Honneurs (Ekologie) aan die Universiteit van Stellenbosch, waarna hy kortstondig klasgee aan die Hoërskool Durbanville en Paul Roos Gimnasium op Stellenbosch.

Hierna bekwaam hy homself as kopersmid by Pieter van Dijk se ateljees in Kaapstad waarna hy volwaardige kopersmidwerk as kuns en opdragwerk beoefen. Hy was ook 'n ywerige antieke glasbottel-/artefakteversamelaar en het ook metaalverklikkeropsporing as stokperdjie beoefen.

Uit sy huwelik met Koba is drie kinders gebore en sy en die drie kinders Pierre-Henri, Saskia en Kobâ het as hele gesin gesamentlik of indiwidueel saam met hom opgetree.

Siekte en afsterwe[wysig | wysig bron]

Hy is in 2013 met prostaatkanker gediagnoseer.^[1] Sy lewensverhaal, getiteld "Kleur – my lewe, my lied", is deur die bekende Pretoriase uroloog, dokter Amos van der Merwe, geskryf.^[1]

Op 27 Desember 2015, as gevolg van die kanker, sterf Randall Wicomb omstreeks 03:45 in sy huis te Stellenbosch.^[2]

Diskografie[wysig | wysig bron]

Kalaharikrismis
Hie Langes My
Oos Wes, Tuis Bes, 16 gedigte van ADAM SMALL met toonsettings deur Randall Wicomb
Die Blink Vosperd
Griekwa Psalms
Hie Neffens My
Uiteindelik
Die Rooi Rok
Hiep-Hiep-Hoera!
Hartland
Die boerklong se baadtjie staan punt in die wind
Sê Dit
Die boerklong se baadjie staan punt in die wind, kasset
Kleur

Sien ook[wysig | wysig bron]

Lys van Suid-Afrikaanse musikante

Verwysings[wysig | wysig bron]

↑ ^1,0 ^1,1 Gasspreker op "Ontbytsake" deur kykNET uitgesaai op 21 November 2015.
↑ Randall Wicomb sterf Geargiveer 29 Desember 2015 op Wayback Machine, Netwerk24, besoek op 27 Desember 2015.

Eksterne skakels[wysig | wysig bron]

Randall Wicomb se amptelike webtuiste Geargiveer 23 Maart 2016 op Wayback Machine
Snoektyd in die Kaap op YouTube
Dans Met die Rooi Rok op YouTube

[ontbytsake-1] 1,0 ^1,1 Gasspreker op "Ontbytsake" deur kykNET uitgesaai op 21 November 2015.

[2] Randall Wicomb sterf Geargiveer 29 Desember 2015 op Wayback Machine, Netwerk24, besoek op 27 Desember 2015.

[1]

[2]