30 Januarie

30 Januarie is die 30ste dag van die jaar in die Gregoriaanse kalender. Daar volg nog 335 dae in die res van die jaar (336 in skrikkeljare).

Inhoud

1226 – Pous Honorius III keur die Orde van die Karmeliete goed met die bul "Ut vivendi normam".
1592 – Pous Clemens VIII volg Pous Innocentius IX op as pous van die Rooms Katolieke Kerk.
1649 – Koning Charles I word onthoof vir hoogverraad voor die Banqueting House in Londen tydens die Engelse Burgeroorlog.
1713 – Pous Clemens XI stel Benedetto Erba-Odescacalchi, aartsbiskop van Milaan en Damian Hugo Philipp von Schönborn aan as kardinale.
1751 – Pous Benedictus XIV publiseer "Prodiit jamdudum", weer oor karnaval.
1820 – Edward Bransfield van die Britse Vloot land op die vasteland van Antarktika.
1933 – Adolf Hitler word ingesweer as kanselier van Duitsland.
1945 – Tweede Wêreldoorlog: Die Wilhelm Gustloff seeramp vind plaas.
1968 – In die Viëtnamoorlog, stuur Viet Cong magte die Tết Offensief op Viëtnamese Nuwejaarsdag (Tet) van stapel.
1981 – Apartheid: Vier-en-twintig mense sterf in Operasie Beanbag, ’n aanval deur die Suid-Afrikaanse weermag op die ANC en PAC, in Matola, ’n woonbuurt in Maputo, Mosambiek. ’n Portugese ingenieur, Jose Ramos, word verkeerdelik geïdentifiseer as Joe Slovo en by ’n padblokade doodgeskiet.
2007 – ’n Omroeper by SAFM, John Perlman, bedank nadat hy politieke sensorskap by die SAUK onthul het.

133 – Didius Julianus, Romeinse keiser.
1882 – Franklin D. Roosevelt, Amerikaanse politikus en staatsman, President van die Verenigde State († 1945).
1899 – Max Theiler, Suid-Afrikaanse viroloog, ontvanger van die Nobelprys vir Fisiologie of Geneeskunde (1951) († 1972).
1930 – Magnus Malan, Suid-Afrikaanse miliêre leier en politikus († 2011).
1949 – Randall Wicomb, Suid-Afrikaanse sanger en liedjieskrywer.