Randse Afrikaanse Universiteit

in Wikipedia, die vrye ensiklopedie
Spring na: navigasie, soek

Die Randse Afrikaans Universiteit (RAU) was ’n prominente Afrikaanse instelling vir hoër onderwys en navorsing wat Johannesburg en omliggende omgewing bedien het. Die universiteit is in 1967 gestig en in 2004 ontbind om op 1 Januarie 2005 saam met die Vista-universiteit en die Technikon Witwatersrand ’n nuwe universiteit, naamlik die Universiteit van Johannesburg te vorm.

Oorsprong[wysig]

Op 5 November 1963 het 468 afgevaardigdes tydens ’n kongres eenparig besluit om ’n Afrikaanse universiteit op te rig. ’n Wet is deur die parlement uitgevaardig op 4 Augustus 1965 om só ’n universiteit in Johannesburg op te rig. Die Randse Afrikaanse Universiteit is in 1967 gestig as ’n Afrikaanstalige universiteit met net meer as 700 geregistreerde studente. Die eerste kampus was geleë in ’n brouery in Braamfontein. Die RAU is amptelik geopen op 24 Februarie 1968. Die eerste kanselier van die universiteit van dr. Nicolaas Diederichs (destydse Minister van Finansies van Suid-Afrika) en die eerste rektor was prof. Gerrit Viljoen.

Oor tyd het die universiteit omvorm tot ’n dubbel-mediuminstelling wat naastenby alle kursusse in Afrikaans sowel as Engels aangebied het.

Fakulteite[wysig]

Die fakulteite van die RAU was soos volg:

  • Fakulteit van Ekonomiese- en Bestuurswetenskappe
  • Fakulteit van Regte
  • Fakulteit van Wetenskap
  • Fakulteit van Ingenieurswese
  • Fakulteit van Lettere en Wysbegeerte
  • Fakulteit van Gesondheidswetenskappe

Bekende alumni[wysig]

Koördinate: 26°11′0″S 27°59′56″O