Bryan Habana
| Bryan Habana | |||
|---|---|---|---|
 |
|||
| Volle naam | Bryan Gary Habana | ||
| Geboortedatum | 12 Junie 1983 | ||
| Geboorteplek | Benoni, Suid-Afrika | ||
| Lengte | 1,80 m | ||
| Gewig | 94 kg | ||
| Bynaam | Mister Kardinaal, Habernero[1], Dash[2] | ||
| Rugbyloopbaan | |||
| Posisie(s) | |||
| Linker Vleuel Buite Senter |
|||
| Provinsiale/Staatspanne | Wedstryde | (punte) | |
| 2003-2004 2005-2009 2010-huidig |
Goue Leeus Blou Bulle WP |
21 6 |
(95) (10) |
| korrek op 18 April 2007. | |||
| Super Rugby | |||
| 2005-2009 2010-huidig |
Bulls Stormers |
25 | (80) |
| korrek op 18 April 2007. | |||
| Nasionale span(ne) | |||
| 2004-huidig |  Suid-Afrika |
74 | (200) |
| korrek op 12 September 2009. | |||
| Ander Inligting | |||
| Beroep | Professionele Rugbyspeler | ||
| Skool bygewoon | King Edward VII Skool | ||
| Universiteit | Randse Afrikaanse Universiteit | ||
Bryan Gary Habana (gebore 12 Junie 1983[1] in Benoni) is 'n Springbok rugbyspeler wat as vleuel vir die Blou Bulle in die Curriebeker, die Bulls in Super 14. Hy het vroeër buitesenter en skrumskakel in provinsiale rugby gespeel. Hy is reeds voor hy Super Rugby begin speel het vir die Springbokke gekies en het die eerste keer toe hy aan die bal geraak het 'n drie gedrukin 'n toets teen Engeland op Twickenham-stadion in 2004.
Habana se spoed is legendaries. Toetse bevetig dat hy die vinnigste vleuel in Suid-Afrikaanse rugby is en dit is al talle kere in wedstryde ten toon gestel. Habana het ook aansienlike bo-liggaam sterkte vir 'n vleuel en kan 160 kg bench press. Verder is hy 'n effektiewe verdediger waar hy spelers in die oopveld kan agterna sit.
Habana het internasionale erkenning gekry vir sy kampioenskapwendrie in die 2007 Super 14 eindstryd.[3]
[wysig] Loopbaan
Habana, het sy rugbyloopbaan begin tydens sy hoërskoolopleiding by King Edward VII School wat gevolg is deur Rand Afrikaanse Universiteit en provinisale rugby vir die Goue Leeus. Hy het vir die eerste keer internasionaal gespeel in die sewe's vorm van die spel toe hy vir die Springboksewes span gekies is in die 2003-04 Wêreld Sewesreeks. Hy het sy Curriebeker debuut vir die Leeus gemaak in 2004. Is is op grond van sy vertoning vir die Leeus gekies as die mees belowende speler in daardie jaar. In November het hy sy toets debuut gemaak teen Engeland op Twickenham op 21-jarige ouderdom. Hoewel die Springbokke die wedstryd 32-16 verloor het, het Habana wat as reserwe op die veld uitgedraf het 'n drie gedruk toe die bal die eerste keer aan hom aangegee is. Die volgende week is Habana na die beginspan geskuif waar hy twee drieë gedruk het om die 45-10 oorwinning oor Skotland by Murrayfield te help beklink. Die week daarna het hy weer in dieselfde posisie gespeel, op linkervleuel, in daardie jaar se finale toets teen Argentinië in Buenos Aires. Alhoewel hy geen drieë in die wedstryd gedruk het nie, was sy rekord nou drie drieë in drie toetse.
In 2005 het na die Blou Bulle en Bulls geskuif. Na die 2005 Super 12 seisoen is Habana soos verwag in die 2005 Springbokspan ingesluit. Hy het linkervleuel gespeel in Suid-Afrika se openingswedstryd in 2005 teen Uruguay, wat die springbokke maklik gewen het met 134 punte teen drie, aangehelp deur twee drieë deur Habana. Suid-Afrika was daarna gasheer vir Frankryk vir 'n twee-toets-reeks. Die eerste wedstryd het gelykop geëindig, 30-elk, en die die Springbokke het die tweede 27-13 gewen met Habana wat in elkeen van die wedstrdye twee drieë gedruk het. In die aanloop tot die 2005 Drie-Nasies het Habana in twee toetse teen Australië, die eerste, 'n nederlaag by die Telstra Stadion, en die tweede 'n 33-20 oorwinning op Ellis Park. Habana het 'n drie gedruk in die tweede toets.
Habana het sy Drie-Nasies debuut op 30 Julie teen die Wallabies gemaak op die Bulls se tuisveld Loftus Versfeld in Pretoria. Suid-Afrika het die wedstryd 22-16 gewen. Die wedstryd daarna teen die All Blacks op Nuweland is ook deur Suid-Afrika gewen. In die tweede toets teen Australië in Perth het Habana twee drieë gedruk in die Springbokke se 22-19 oorwinning. Die All Blacks het die laaste wedstryd van die reeks ook gewen, 31-27 teen Nieu-Seeland by Carisbrook. Hoewel Suid-Afrika nie die reeks gewen het nie, het Habana te voorskyn gekom as 'n krag op die internasionale rugbyverhoog. Hy het die reeks voltooi met die prestasie dat hy saam met Doug Howlett en Joe Rokocoko die meeste drieë gedruk het. In die Curriebeker het die Blou Bulle die eindstryd gehaal wat tuis op Loftus Versfeld teen die Vrystaat Cheetahs gespeel is. Die Cheetahs, het die eindstryd gewen. In November van die jaar het Habana vir die Springbokke teen Argentinië, Wallis en Frankryk gespeel met twee drieë teen Wallis.
In April 2007 het Habana teen 'n jagluiperd gehardloop in 'n 100 meter-resies om bewustheid te wek oor die dringende gevaar waaronder die jagluipend verkeer om as bedreigde spesie geklassifiseer te word. [4]
Habana se mees dramatiese aksie in die 2007 Super 14 seisoen was sy laaste minuut drie in die eindstryd wat dit vir Derick Hougaard moontlik gem aak het om 'n maklike doelskop waar te neem om die Bulls 'n dramatiese 20-19 oorwinning oor die Sharks te besorg.
Habana is gekies as vleuel vir die Springbokke se 2007 Rugby Wêreldbekerspan. In die Springbokke se eerste wedstryd teen Samoa het hy vier drieë aangeteken in die 59-7 oorwinning in Parys. Met 'n totaal van agt drieë na die halfeindstryd oorwinning oor Argentinië is Habana nou die voorste driedrukker van die 2007 Rugby Wêreldbeker.
[wysig] Verwysings
- ^ 1,0 1,1 "bryanhabana.com: About". URL besoek op 2006-12-06.
- ^ "Bryan Habana: SA Rugby Profile". SA Rugby. URL besoek op 2007-04-18.
- ^ Guinness, Rupert: "Bulls say better team lost." Sydney Morning Herald/Rugby Heaven (Monday, May 21, 2007).
- ^ Man Races World's Fastest Cat. CNN.com, April 16, 2007.
[wysig] Eksterne skakels
- Habana op SARugby.com
- Bryan Habana by www.genslin.us/bokke
- Bryan Habana by SARugby.co.za
- Nie-amptelike Bryan Habana webwerf
- We love rugby Meer detail oor Habana
| Springbokrugbyspelers (2007 Rugby Wêreldbeker) |
|---|
|
John Smit (Kaptein) - Bakkies Botha - BJ Botha - Gary Botha - Schalk Burger - Jean de Villiers - Bismarck du Plessis - Jannie du Plessis - Fourie du Preez - Os du Randt - Jaque Fourie - Bryan Habana - Butch James - Ricky Januarie - Wayne Julies - Victor Matfield - Percy Montgomery - Johann Muller - Akona Ndungane - Wynand Olivier - Ruan Pienaar - JP Pietersen - André Pretorius - Danie Rossouw - Bobby Skinstad - Juan Smith - Gurthro Steenkamp - François Steyn - Albert van den Berg - CJ van der Linde - Wikus van Heerden - Ashwin Willemse |
| Springbokrugbyspelers (2008) |
|---|
|
John Smit (Kaptein) - Andries Bekker - Bakkies Botha - Heinrich Brussow - Schalk Burger - Jean de Villiers - Bismarck du Plessis - Fourie du Preez - Jaque Fourie - Bryan Habana - Adrian Jacobs - Conrad Jantjes - Ricky Januarie - Ryan Kankowski - Victor Matfield - Tendai Mtawarira - Brian Mujati - Odwa Ndungane - Jongi Nokwe - Ruan Pienaar - JP Pietersen - Chiliboy Ralepelle - Earl Rose - Danie Rossouw - Juan Smith - Pierre Spies - Gurthro Steenkamp - François Steyn |
