Rupert Brooke

in Wikipedia, die vrye ensiklopedie
Spring na: navigasie, soek
FOREVER ENGLAND

Rupert Brooke Q 71073.jpg

Rupert Brooke

Engelse digter


Gebore
3 Augustus 1887
in Rugby, Warwickshire, Engeland,
Groot-Brittanje


Oorlede
23 April 1915
Egeïese See, voor die eiland Skyros


Literêre stroming

Edwardiaanse poësie


Digtersgroepe

Bloomsbury Group
Georgian Poets


Bekende werke

The Soldier (1914)


Handtekening

Author's signature in Collected poems of Rupert Brooke.png

Rupert Chawner Brooke (* 3 Augustus 1887, † 23 April 1915) was 'n Engelse digter wat wye bekendheid verwerf het met sy idealistiese oorlogsonnette wat hy gedurende die Eerste Wêreldoorlog geskryf het, veral die gedig The Soldier wat die romantiese stemming en patriotiese gevoelens van sy Britse tydgenote aan die begin van die oorlog weerspieël. Vir 'n kort rukkie het hy die stem van sy nasie geword.

Hy was die eerste van 'n groep digters wat later as die War Poets (Oorlogsdigters) bekend sou staan (Wilfred Owen, Siegfried Sassoon, Isaac Rosenberg en ander). Weens sy ontydige dood is hy die realiteit en verskrikkings van die Groot Oorlog gespaar gebly.

Brooke het sy kort lewe ten volle geleef en hom nie net as digter nie, maar ook as geleerde, toneelskrywer, literêre kritikus, reisskrywer, politieke aktivis en soldaat bekwaam. Hy het van die bekendste persoonlikhede van sy generasie onder sy vriende getel, waaronder Virginia Woolf, Winston Churchill en W. B. Yeats. Sy persoonlike sjarme, talent, passie en energie het groot bewondering by sy tydgenote uitgelok. Vanweë sy seunsagtig aantreklike gesig het die Ierse digter W. B. Yeats hom as "die mooiste jong man in Engeland" beskryf.[1]

'n Muskietbyt en 'n bloedvergiftiging wat hy as gevolg daarvan opgedoen het terwyl hy op pad na Gallipoli was, het sy ontydige afsterwe aan boord van 'n Franse hospitaalskip voor die Griekse eiland Skyros veroorsaak. Rupert Brooke is op dié eiland ter ruste gelê.

Verwysings[wysig]

  1. Nigel Jones: Rupert Brooke: Life, Death & Myth. Londen: Richard Cohen Books 1999, bl. 110, 304

Eksterne skakels[wysig]