Suid-Afrikaanse Lugdiens Vlug 295

in Wikipedia, die vrye ensiklopedie
Spring na: navigasie, soek
Suid-Afrikaanse Lugdiens Vlug 295
Datum: 28 November 1987
Oorsaak: Brand in die kajuit
Plek van ramp: Indiese Oseaan, naby Mauritius
Sterftes: 159
Beserings: Nie van toepassing
Vliegtuig Tipe: Boeing 747 Combi
Vliegtuig Stertnommer: ZS SAS
Oorsprong: Taiwan Taoyuan Internasionale Lughawe
Bestemming: Heer Seewoosagur Ramgoolam Internasionale Lughawe
Passasiers: 140
Bemanning: 19
Oorlewendes: Geen

Suid-Afrikaanse Lugdiens Vlug 295 was 'n kommersiële vlug wat 'n noodlottige brand aan boord die kajuit gehad het en op 28 November 1987 in die Indiese Oseaan, naby die eiland Mauritius, neergestort het.

Vlug 295, 'n Suid-Afrikaanse Lugdiens-Boeing 747-makrostraler (B-747-244B Combi) met registrasienommer ZS-SAS en wat "Helderberg" geheet het, het opgestyg vanaf die Taiwan Taoyuan Internasionale Lughawe op pad na Johannesburg via Mauritius. Daar was 140 passasiers en 19 bemanningslede aan boord: geen oorlewendes is gevind nie.

Die Margo-ondersoek[wysig]

Die ondersoek is gelei deur regter Cecil Margo. Volgens die amptelike verslag, het 'n brand aan boord die kajuit (hoofbagasiedek) ontstaan terwyl die vliegtuig oor die Indiese Oseaan gevlieg het, wat eindelik na die ongeluk gelei het. Die rede vir die ongeluk word nie gespesifiseer nie, maar twee moontlikhede word bespreek: eerstens kon die rook van die brand daartoe gelei het dat die bemanning nie meer in staat was om die vliegtuig te beheer nie; en tweedens dat die brand die struktuur van die vliegtuig sodanig verswak het, dat die stert-deel afgebreek en die vliegtuig in die see neergestort het.

Die vliegtuig-vervaardiger was gekant teen enige scenario-verduideliking waarby die rede vir die ongeluk was dat die vliegtuig in twee gebreek het en gevolglik het die finale verslag slegs die twee moontlike redes vir die ongeluk verskaf.

Die ondersoekspan het egter vasgestel dat die hoofoorsaak van die ramp weens onvoldoende brandopsporing- en -beheermeganismes was. Die ongeluk het lugvaart-owerhede wêreldwyd daarop bedag gemaak dat regulasies vir die klas-B bagasieruim verouder was en nie aangepas is vir die groter bagasieruim nie. Die oorsprong van die brand is nie vasgestel nie, maar voldoende bewyse is gevind wat daarop dui dat die brand 'n taamlike ruk geduur het en dat dit moontlik struktuurskade kon veroorsaak.

Omstrede gevolg[wysig]

Die gedenksteen vir die oorledenes in die Suid-Afrikaanse Lugdiens Vlug 295-ongeluk naby die Taiwan Taoyuan Internasionale Lughawe.

Ten spyte van die amptelike verslag se bevindinge, is daar bespiegel dat hierdie ramp plaasgevind het omdat die vliegtuig 'n gevaarlike vrag vervoer het wat met die regering se wapenprogram verbind was. Niemand kon ooit enige bewyse hiervoor verskaf nie en daar word aanvaar dat dit slegs bespiegelinge was.

Daar is verdere gerugte dat daar 'n opname bestaan (klaarblyklik van die Helderberg) waar die kaptein die bemanning inlig dat die vliegtuig plofbare materiaal vervoer. Die kaptein het glo geweier om te vlieg, maar is met onmiddellike ontslag gedreig. Hierdie opname kon egter nooit in die hof te voorskyn gebring word nie en slegs 'n transkripsie bestaan hiervan wat deur deskundiges wat betrokke by die ondersoek was, as onreëlmatig en vervals verklaar is.

Die Vrye Weekblad bevind hierdie "inligting" as 'n wolhaarstorie wat weens 'n foutiewe beriggewing van die Weekly Mail ontstaan het. Dit was nie die Helderberg-Boeing wat gevaarlike stowwe vervoer het nie, maar die gelyknamige vragskip wat vanuit Rotterdam na Durban op pad was.[1]

Departement van vervoer[wysig]

Die gevolg van die gerugte wat die rondte gedoen het, was dat die Departement van Vervoer in Suid-Afrika 'n hersiening van die ondersoek moes doen. In 2002 is bekend gemaak dat geen nuwe bewyse wat die heropening van die ondersoek regverdig, gevind kon word nie.

Gevolglik is die bevindinge soos in die ondersoek deur regter Margo, nl. dat 'n onbeheerde brand in die kajuit ontstaan het en dat dit nie betyds opgespoor of beheer kon word nie en gelei het tot die ongeluk, die amptelike standpunt.

Passasiers[wysig]

Nasionaliteit Passasiers Bemanningslede Totaal
Vlag van Australië Australië 2 0 2
Vlag van Denemarke Denemarke 1 0 1
Vlag van Wes-Duitsland Wes-Duitsland 1 0 1
Vlag van Hongkong Hongkong 2 0 2
Vlag van Japan Japan 47 0 47
Vlag van Suid-Korea Suid-Korea 1 0 1
Vlag van Mauritius Mauritius 2 0 2
Vlag van Nederland Nederland 1 0 1
Flag of South Africa Suid-Afrika 52 19 71
Vlag van Republiek van Sjina Republiek van Sjina 30 0 30
Flag of the United Kingdom.svg Verenigde Koninkryk 1 0 1
Totaal 140 19 159

Eksterne skakels[wysig]

ConspiricyTheories

Aantekeninge[wysig]

Hierdie artikel is 'n vertaling van die Engelse Wikipedia artikel, South African Airways Flight 295

Verwysings[wysig]

  1. Vrye Weekblad, bladsy 15: Rooi Gesigte Die rooiste gesigte in Suider-Afrika dié week? Ons kollegas van die Weekly Mail wat met groot fanfare onder die opskrif "The Helderberg explosive cargoes" aangekondig het hulle het bewyse dat die Helderberg-Boeing wat naby Mauritius neergestort het, deur Krygkor gebruik is om hoogs plofbare materiaal te vervoer.
    En toe het hulle dokument al die tyd na die vragskip die "Helderberg" verwys wat met ses ton fosfor uit Rotterdam vertrek en twee weke later in Durban aangekom het...