Suider-Afrikaanse Groot Teleskoop

Die koepelgebou van die SAGT.

Die Suider-Afrikaanse Groot Teleskoop of SAGT, is 'n nuwe teleskoop met 'n 11 meter (36 voet) spieëldeursnee en geleë naby Sutherland in in die Karoo, Suid-Afrika. Dit is in Junie 2005 voltooi en sal na verwagting die setel wees van die Suid-Afrikaanse Astronomiese Sterrewag.

SAGT is die grootste optiese teleskoop in die suidelike halfrond. Dit sal gebruik word vir die fotografering en analisering van hemelliggame wat buite bereik is van die noordelike halfrond se teleskope, en dus nie daarmee waargeneem kan word nie. Die nuutste datum vir oorhandiging word as 31 Julie 2005 aangegee, maar die 91 saamgestelde spieëls word alreeds gekalibreer, 'n proses wat 'n paar ure in beslag kan neem.

Die koste van die projek sal na beraming 30 miljoen Amerikaanse Dollar beloop. Dit is 'n gesamentlike poging deur Duitsland, Pole, die VSA, die Verenigde Koninkryk en Nieu-Seeland.

Algemene inligting

SAGT se hoofspieël.

SAGT is opgerig op 'n heuwel in 'n natuurreservaat, 370 km noord-oos van Kaapstad, naby die dorpie Sutherland. Die installasie van die massiewe spieël het in Maart 2004 begin en bestaan uit 91 seskantige, konkawe spieëls, wat elkeen afsonderlik deur rekenaars beheer word en gestel kan word om op 'n gemeenskaplike brandpunt saam te val. Die teleskoop sal wetenskaplikes in staat stel om kwasers en spiraalnewels te bestudeer, wat 'n biljoen keer te dof is om met die blote oog waar te neem.

Korea en Japan het ook twee teleskope, en Suid-Afrika het ten minste vyf optiese teleskope op dieselfde perseel. Die Universiteit van Birmingham het ook 'n sonteleskoop daar waarmee die son gedurig bestudeer word.

Medewerkers

• Die Nasionale Navorsingstigting van Suid-Afrika
• Nicolaus Copernicus Astronomical Centre of the Polish Academy of Sciences
• Die Hobby-Eberly Telescope Raad
• Rutgers, die Staatsuniversiteit van New Jersey
• Georg-August-Universität Göttingen
• Die Universiteit van Wisconsin-Madison
• Universiteit van Canterbury (Nieu-Seeland)
• Universiteit van North Carolina at Chapel Hill
• Dartmouth College
• Carnegie Mellon University
• United Kingdom SALT Consortium (UKSC), comprising:
  • Armagh Sterrewag
  • Keele Universiteit
  • Universiteit van Central Lancashire
  • Universiteit van Nottingham
  • Open University
  • Universiteit van Southampton

Eksterne Skakels

• SAGT - amptelike werf.

Verwante Artikels

• Lys van sterrewagte
• Lys van optiese teleskope

Verwysings

1. Reuters. South Africa looks to stars with super scope. United Kingdom: Reuters Limited. 15 Maart 2004.