Thomas van Aquino

in Wikipedia, die vrye ensiklopedie
Spring na: navigasie, soek
Thomas van Aquino.

Thomas van Aquino of Thomas Aquinas (12257 Maart 1274) was ’n Italiaanse[1][2] Dominikaanse monnik en priester en ’n uiters invloedryke filosoof en teoloog. Hy was van die distrik Aquino, waar sy familie tot in 1137 grond besit het. Hy is in Roccasecca, Italië, gebore.

Aquinas se invloed op die moderne Westerse denke was aansienlik, en ’n groot deel van moderne filosofie het ontstaan óf uiy die ontwikkeling van sy idees óf uit teenstand daarteen, veral op die gebied van etiek, metafisika en politieke teorie. Anders as wat die neiging destyds in die Rooms-Katolieke Kerk was,[3] het hy verskeie idees van Aristoteles aanvaar (hy het hom "die Filosoof" genoem) en hy het probeer om Aristoteles se filosofie te laat strook met die beginsels van die Christendom.[4] Die werke waarvoor hy die bekendste is, is Summa Theologica en die Summa contra Gentiles. Sy kommentaar op die Heilige Skrif en op Aristoteles maak ’n groot deel van sy werk uit. Aquinas is ook bekend vir sy eucharistiese gesange, wat deel van die kerk se liturgie vorm.[5]

Hy is tot heilige van die Katolieke Kerk verklaar en word voorgehou as ’n modelonderwyser vir mense wat hul oog op die priesterskap het. Die bestudering van sy werk word beskou as ’n belangrike vereiste vir toekomstige priesters of ander teologiese studente.[6]

Verwysings[wysig]

  1. Conway, John Placid, O.P., Father (1911). Saint Thomas Aquinas. 
  2. Rev. Vaughan, Roger Bede (1871). The Life and Labours of St. Thomas of Aquin: Vol.I. 
  3. http://plato.stanford.edu/entries/aquinas/
  4. http://www.dartmouthapologia.org/articles/show/125
  5. http://www.britannica.com/EBchecked/topic/31211/Saint-Thomas-Aquinas
  6. Code of Canon Law, Can. 252, §3 [1]