Tour de France
Die Tour de France is die bekendste fietswedren ter wêreld. Die wedren strek oor drie weke -dus eintlik 'n toer- en vind altyd gedurende Julie plaas. Die eerste wedren het in 1903 plaasgevind en gedurende 2011 het die wedren vir die 98ste keer plaasgevind. Saam met die Tour van Italië (Giro d'Italia) en die Toer van Spanje (Vuelta a España) vorm dit deel van die Groot Drie Toere. Die wenner is die ryer met die minste totale tyd na afloop van die toer; elke skof se tyd word bymekaar getel. Die wenner kry die Geeltrui. Die wenspan is die span met die minste totale tyd na afloop van die toer; die beste drie ryers se tye van elke span word vir elke skof bymekaar getel.
Wenners vanaf 2000 [wysig]
| Jaar | Wenner | Nasionaliteit |
|---|---|---|
| 2000 | Lance Armstrong | Amerika |
| 2001 | Lance Armstrong | Amerika |
| 2002 | Lance Armstrong | Amerika |
| 2003 | Lance Armstrong | Amerika |
| 2004 | Lance Armstrong | Amerika |
| 2005 | Lance Armstrong | Amerika |
| 2006 | Óscar Pereiro | Spanje |
| 2007 | Alberto Contador | Spanje |
| 2008 | Carlos Sastre | Spanje |
| 2009 | Alberto Contador | Spanje |
| 2010 | Andy Schleck* | Luxemburg |
| 2011 | Cadel Evans | Australië |
| 2012 | Bradley Wiggins | Verenigde Koninkryk |
- Die titel is eers in 2012 aan Andy Schleck toegeken nadat Alberto Contador gediskwalifiseer is vir 'n positiewe opkikker-toets.[1]
Suid-Afrikaners in die Tour de France [wysig]
Robbie Hunter en John-Lee Augustyn is die enigste twee Suid-Afrikaners wat nog aan die Tour de France kon deelneem. Robbie Hunter is die eerste Suid-Afrikaner nog wat 'n skof kon wen in die Tour de France en wel gedurende die 2007 toer. Dareyl Impey gaan aan die 2012 weergawe deelneem.
Verwysings [wysig]
- ↑ Beeld. Andy Schleck uit Tour de France 13 Junie 2012
