Trakai

in Wikipedia, die vrye ensiklopedie
Spring na: navigasie, soek

Trakai
Trakai-Troki.jpg

Kaart Wapen
LietuvaTrakai.png
Coat of arms of Trakai (Lithuania).png
2 Litai-banknoot
LTL 2 1993 reverse.JPG
 Land Vlag van Litaue Litaue
 Administratiewe distrik Vilnius
 Distriksmunisipaliteit Trakai
 Koördinate 54°38′N 24°56′O
 Stigting (eerste verwysing) 1337
 Stadstatus 1409
 Oppervlakte:  
 - Totaal 11,5 vk km
 Hoogte bo seevlak 155 m
 Bevolking:  
 - Totaal (2010) 5 266
 - Bevolkingsdigtheid 458/vk km
 Tydsone EET (UTC +2)
 - Somertyd EEST (UTC +3)
 Klimaat  
 - Tipe Kontinentaal-gematig
 - Gemiddelde jaarlikse temperatuur -
 - Gem. temp. Januarie/Julie -
 - Gemiddelde jaarlikse neerslae -
 Burgemeester -
 Amptelike Webwerf www.trakai.lt/

Trakai, 'n stad met 'n oppervlakte van 11,5 vierkante kilometer en 'n bevolking van 5 266 (2010), is een van die gewildste toeriste-aantreklikhede in Litaue. Die stad is 28 kilometer suidwes van die hoofstad Vilnius geleë en word gekenmerk deur sy ligging op 'n heuwelagtige skiereiland tussen die Tatare-meer (Litaus: Totoriškių ežeras) in die weste en die Bernhardinai-meer in die ooste, waaraan die Galvė-meer in die noorde aansluit. Trakai is sedert 1950 die administratiewe sentrum van die gelyknamige distriksmunisipaliteit.

Die Gotiese waterkasteel van Trakai in die Galvė-meer, wat van rooi bakstene gebou is, is die enigste van sy soort in Oos-Europa. Die kasteel verwys na die beduidende rol wat Trakai as hoofkwartier van die Litause grootvorste en hoofstad van Litaue in die Middeleeue gespeel het. Trakai het sy Middeleeuse straatrooster, wat van die 14de en 15de eeu dateer, bewaar. Die stad self het sy oorsprong in 'n aantal kleiner nedersettings wat in die vroeë 12de eeu langs versterkings ontstaan het, byvoorbeeld Ou Trakai (Senieji Trakai) drie kilometer suidoos van Trakai.

Ou Trakai is net soos die ander historiese nedersettings in die Historiese Nasionale Trakai-park geleë wat met sy oppervlakte van sowat 8 200 hektaar ook altesaam 32 mere behels. 'n Ander belangrike besienswaardighede sluit die Karaïete-museum en historiese Karaïetiese houthuise in. Die Karaïete was 'n oorspronklik Joodse sekte wat slegs die Ou Testament erken en die Talmoed en Rabbynse tradisies verwerp het. In die 14de eeu het Karaïete hulle op die Krim-eiland gevestig. Die Litause grootvors Vytautas het Karaïete en Tatare in die laat 14de eeu as paleiswagte vir sy kasteel in Trakai in diens geneem.