Willie van der Merwe
vanuit Wikipedia, die vrye ensiklopedie.
Willem Lodewikus van der Merwe is op 20 Oktober 1957 gebore en het in Meyerton in die destydse Transvaal opgegroei. Sy pa was vir baie jare die volksraadslid van Heidelberg en later Meyerton.
Hy het vanaf 1975 by die Universiteit van Stellenbosch in teologie en filosofie gestudeer en het in 1990 sy doktorsgraad in filosofie behaal. In 1987 is hy as lektor aan die Universiteit van Stellenbosch aangestel. Hy het verskeie navorsingsbesoeke aan Universiteite in Nederland en België gebring. Hy was van Junie 1995 tot 1996 besoekende navorser en professor aan die Instituut van Filosofie aan die Katholieke Universiteit van Leuven in België en weer in 2004-2005. In 1998 is hy tot professor in filosofie aan die Universiteit van Stellenbosch bevorder en was van 2000-2003 departementele voorsitter. In September 2008 is Van der Merwe as professor in godsdiensfilosofie aan die Vrye Universiteit van Amsterdam aangestel. Hy het verskeie publikasies (boeke en artikels) oor taalfilosofie, godsdiens- en kultuurfilosofie geskryf. Hy is getroud met Lettie Conradie van der Merwe (née Visser). Hulle het 'n seun en dogter en woon tans in Utrecht (Nederland).
[wysig] Werke
- 1990. Metafoor: 'n Filosofiese Perspektief. Bloemfontein, VCHO (Wetenskaplike studiereeks 11).
