15760 Albion
 Die wentelbane van die vier buitenste planete (rooi) in vergelyking met dié van 15760 Albion (blou). | |
| Ontdekking [1][2] | |
|---|---|
| Ontdek deur | D.C. Jewitt J.X. Luu |
| Datum | 30 Augustus 1992 |
| Plek van ontdekking | Mauna Kea-sterrewag |
| Kleinplaneet-benaming | (15760) Albion |
| Alternatiewe name | 1992 QB1 |
| Kleinplaneet-kategorie | TNV[1] |
| Etimologie | Albion (mitologie deur William Blake) |
| Wentelbaaneienskappe[1] | |
| Epog J2000 | |
| Afelium | 46,566 AE |
| Perihelium | 40,843 AE |
| Halwe lengteas | 43,704 AE |
| Wentelperiode | 288,93 jaar |
| Gem. anomalie | 31,005° |
| Baanhelling | 2,1877° |
| Lengteligging van stygende nodus | 359,44° |
| Periheliumhoek | 0,6029° |
Fisiese eienskappe |
|
| Skynmagnitude | ~23,4[3] |
| Absolute magnitude | 7,1[1] |
15760 Albion, met die voorlopige naam 1992 QB1, was die eerste trans-Neptunus-voorwerp (TNV) wat ontdek is ná Pluto en Charon. Dit is in 1992 ontdek deur David C. Jewitt en Jane X. Luu by die Mauna Kea-sterrewag in Hawaii. Nadat hulle dit ontdek het, het hulle dit "Smiley" genoem en dit is gou deur die pers beskryf as die tiende planeet.[4][5] Dit behoort tot die "koue" populasie in die Kuipergordel en het gelei tot die naam "cubewano's" ("Q-B-1-o's") vir hierdie soort voorwerp na aanleiding van die QB1-deel van sy voorlopige naam.[6] Dit dui daarop dat dit die 27ste voorwerp is wat in die tweede helfte van Augustus daardie jaar ontdek is.[7]
Teen Januarie 2018 is nog meer as 2 400 voorwerpe anderkant Neptunus ontdek, waarvan ’n groot deel klassieke Kuipergordelvoorwerpe is.
Naam[wysig | wysig bron]
Die TNV het tot in Januarie 2018 naamloos gebly en is gewoonlik net "QB1" genoem, hoewel dit tegnies dubbelsinnig kon wees sonder die jaar van sy ontdekking vooraan. Dit is eindelik op 31 Januarie 2018 genoem na die karakter Albion uit William Blake se mitologie.[8] Albion is die oereilandbewoner wie se verdeling gelei het tot The Four Zoas: Urizen, Tharmas, Luvah/Orc en Urthona/Los. Dié naam is weer afgelei van die antieke en mitologiese naam vir Brittanje.
Verwysings[wysig | wysig bron]
- ↑ 1,0 1,1 1,2 1,3 "JPL Small-Body Database Browser: 15760 Albion (1992 QB1)" (2013-10-06 last obs.) (in Engels). Jet Propulsion Laboratory. Geargiveer vanaf die oorspronklike op 11 Junie 2019. Besoek op 6 Februarie 2018.
- ↑ "IAUC 5611: 1992 QB1" (in Engels). IAU Minor Planet Center. 14 September 1992. Geargiveer vanaf die oorspronklike op 5 Oktober 2018. Besoek op 5 Julie 2011.
- ↑ "AstDys (15760) 1992QB1 Ephemerides". Department of Mathematics, University of Pisa, Italy. Besoek op 3 Maart 2010.
- ↑ Collander-Brown, S.; Maran, M.; Williams, I. P. (11 Oktober 2000). "The effect on the Edgeworth-Kuiper Belt of a large distant tenth planet". Monthly Notices of the Royal Astronomical Society (in Engels). 318 (1): 101–108. doi:10.1046/j.1365-8711.2000.03640.x. ISSN 0035-8711.
- ↑ Coote, Roger. / (Augustus 2008). The earth. Londen: Alligator Books. ISBN 9781842399491. OCLC 671197414.
- ↑ Dr. David Jewitt. "Classical Kuiper Belt Objects" (in Portugees). David Jewitt/UCLA. Geargiveer vanaf die oorspronklike op 18 Januarie 2017. Besoek op 1 Julie 2013.
- ↑ Voorlopige name vir kleinplanete en asteroïdes volg ’n formaat, waarin die jaar waarin dit ontdek is eerste kom, gevolg deur die halwe maand alfabeties (bv. A=1-15 Januarie, B=16-31 Januarie, ens., maar die letters I en Z word nie gebruik nie) en dan die volgorde van die ontdekking alfabeties gevolg deur ’n syfer (bv. 1992 QA, 1992 QB, 1992 QC ... 1992 QY, 1992 QZ, 1992 QA1, 1992 QB1, ens.) Hiervolgens is Q=16-31 Augustus en B1=25+2=27.
- ↑ "(15760) Albion = 1992 QB1". IAU Minor Planet Center. Besoek op 3 Februarie 2018.