Afrikageelmelkhout

Garcinia livingstonei
	S.A. nasionale nommer: 486
Wetenskaplike klassifikasie
Koninkryk:	Plantae;
(klade):	Angiosperms;
(klade):	Eudicots;
(klade):	Rosids;
Orde:	Malpighiales;
Familie:	Clusiaceae;
Genus:	Garcinia;
Spesie:	G. livingstonei;
Binomiale naam
	Garcinia livingstonei; T.Anderson

Die Afrikageelmelkhout (Garcinia livingstonei) is 'n klein tot middelgroot boom in Suider-Afrika. Dit kom voor vanaf die noorde van KwaZulu-Natal tot by Beira in die laeveld. Dit kom ook in die Zambezivallei voor. Die boom groei op laagliggende plekke in oop bosveld en in rivierbos.

Dit het stywe takkies wat reghoekig uitgroei. Die blare is styf, leeragtig, dof van kleur, ronderig en word in kranse van drie gedra. Die boom bring 'n oranje, bolvormige vrug voort met 'n sterk skil. Die vrug is eetbaar ondanks die dik, geel melksap en ook smaakvol.