Aleksander K. Glazoenof

in Wikipedia, die vrye ensiklopedie
Jump to navigation Jump to search
Glazunov by Repin.jpg

Aleksander Konstantinowitsj Glazoenof (10 Augustus 1865 – 21 Maart 1936) was 'n Russiese komponis wat in St. Petersburg gebore is. Hy was die belangrikste Russiese komponis van die geslag na Tsjaikofski. Hy het musiekonderrig by Rimski-Korsakof ontvang, en in 1882 is sy Eerste Simfonie deur Balakiref uitgevoer.

Na enkele minder belangrike werke het Glazoenof in 1886 sy Tweede Simfonie voltooi. Sy latere musiek toon die invloed van Liszt, Wagner en Tsjaikofski. Onder sy beste werk tel sy Vierde, Vyfde en Sesde simfonieë, sy ballette Raymonda en Die seisoene, en die Vioolkonsert in A-mineur.

Glazoenof het na 1906 min werk van besondere belang gekomponeer, maar die 2 klavierkonserte 2-strykkwartette en die Konsert vir saksofoon, fluit en strykers verdien aandag. Na die revolusie van 1917 het hy tot in 1928 in St. Petersburg vertoef, waarna hy Rusland verlaat het. Hy is in 1936 in Parys oorlede.

Bronnelys[wysig | wysig bron]