Aleksei Nawalni

in Wikipedia, die vrye ensiklopedie
Aleksei Nawalni
Алексей Навальный
Nawalni in 2013
Gebore
Aleksei Anatoljewitsj Nawalni

(1976-06-04)4 Junie 1976
Sterf16 Februarie 2024 (op 47)
Charp, Jamalië
NasionaliteitRussies
BeroepRegsgeleerde, aktivis, politikus
Politieke partyProgressiewe Party
EggenootJoelija Nawalnaja
Kinders2
Webwerfnavalny.com

Aleksei Anatoljewitsj Nawalni (Russies: Алексе́й Анато́льевич Нава́льный; 4 Junie 1976 - 16 Februarie 2024) was ’n Russiese regsgeleerde, politikus en finansiële aktivis.[1] Hy het sedert 2009 in Rusland bekend geraak as ’n vegter teen korrupsie en ’n kritikus van president Wladimir Poetin.

Hy het al groot demonstrasies gehou om demokrasie te bevorder en val dikwels politieke korrupsie asook Poetin se politieke bondgenote aan. In 2012 het die The Wall Street Journal hom beskryf as "die man vir wie Poetin die meeste vrees".[2]

In Desember 2023 het Nawalni vir byna drie weke uit die tronk vermis geraak. Hy het weer in 'n regstellende kolonie in die Jamalo-Nenetsië outonome okroeg in die Arktiese Sirkel te voorskyn gekom.[3][4] Op 16 Februarie 2024 het die Russiese gevangenisdiens berig dat Nawalni op die ouderdom van 47 gesterf het.[5][6] Sy dood het betogings veroorsaak, beide in Rusland en in verskeie ander lande, en beskuldigings teen die Russiese owerhede in verband met sy dood is deur Westerse regerings en internasionale organisasies gemaak.

Politieke loopbaan[wysig | wysig bron]

Nawalni in 2007.

Nawalni beskryf homself as ’n nasionalistiese demokraat. Hy is lid van die Russiese Opposisiekoördinasieraad en leier van die Progressiewe Party (Партия прогресса), voorheen die Volksalliansie.[7] In September 2013 was hy ’n kandidaat in die burgemeestersverkiesing vir Moskou en is hy gesteun deur die Republikeinse Party van Rusland – Volksvryheidsparty (RPR-PARNAS). Hy het die tweede meeste stemme gekry (27%), maar verloor teen die waarnemende burgemeester, Sergei Sobjanin, ’n Poetin-aanstelling.

Nawalny het ’n blog, wat sy belangrikste forum is om met sy aanhangers te kommunikeer. Hy gebruik die blog om Poetin en sy bondgenote aan te val, politieke optogte te reël, dokumente op te laai om te wys Poetin en sy bondgenote maak hulle skuldig aan onbehoorlike gedrag, en meer onlangs vir sy presidentsverkiesingsveldtog.

Vergiftiging[wysig | wysig bron]

Op 20 Augustus 2020, was Navalny gehospitaliseer en in 'n ernstige, maar stabiele toestand gelaat ná 'n vermeende vergiftiging tydens 'n vlug van Tomsk na Moskou in 'n moontlik polities gemotiveerde aanval.Sy vlug is na Omsk herlei.[8][9] Later die dag word hy op 'n mediese vliegtuig na Berlyn gesit, waar hy die volgende dag daar aankom.[10] Vanaf 24 Augustus bly hy in 'n kunsmatige koma, maar is daar geen ernstige gevaar vir sy lewe nie.[11] Op 17 Januarie 2021 keer hy terug na Rusland, waar hy onmiddellik in Moskou aangehou word op aanklagte van oortreding van die voorwaardes van 'n opgeskorte tronkstraf.[12]

Aanklagte[wysig | wysig bron]

Nawalni en sy vrou, Joelija, ná sy vrylating in 2013.

Nawalni is al verskeie kere deur die Russiese owerhede in hegtenis geneem – waarvan die ernstigste geval in 2012 was toe die federale owerhede hom aangekla het van geldverduistering en bedrog. Hy het skuld op al die aanklagte ontken.[13] In Julie 2013 is hy skuldig bevind aan geldverduistering en is hy tot vyf jaar gevangenisstraf gevonnis.[14][15] Rusland se menseregtesentrum, Memorial, het Nawalni as ’n politieke gevangene beskou.[16] Verlof tot appèl is egter die dag ná sy vonnis toegestaan en hy is vrygelaat. Die vonnis is in Oktober 2013 opgeskort.[17]

In Februarie 2014 is Nawalni weer aangekla van geldverduistering, dié keer saam met sy broer Oleg Nawalni. Hy is in huisarres geplaas en verbied om met enigiemand behalwe sy familie te kommunikeer. Albei broers het skuld ontken. Aleksei het in Desember 2014 nog ’n opgeskorte vonnis van 3,5 jaar gekry en Oleg is gevangenisstraf van 3,5 jaar opgelê.[18]

In die Weste word die aanklagte beskou as polities gemotiveerd[19] en ’n taktiek van Poetin om die opposisie in Rusland stil te maak.[20] Volgens ’n verklaring van Nawalni probeer die regering nie net sy teenstanders gevangenisstraf oplê nie, maar "nou vernietig en martel hulle ook die gesinne van dié wat hulle teenstaan".[18]

Verwysings[wysig | wysig bron]

  1. Carl Schreck (9 Maart 2010). "Russia's Erin Brockovich: Taking On Corporate Greed". Time (in Engels). Geargiveer vanaf die oorspronklike op 17 Augustus 2013. Besoek op 9 Februarie 2011.
  2. Matthew Kaminski (3 Maart 2012). "The Man Vladimir Putin Fears Most (the weekend interview)". The Wall Street Journal (in Engels). Geargiveer vanaf die oorspronklike op 31 Augustus 2013. Besoek op 31 Julie 2012.
  3. Trevelyan, Mark (11 Desember 2023). "Navalny aides says he has disappeared within Russia's prison system". Reuters. Geargiveer vanaf die oorspronklike op 12 Desember 2023. Besoek op 25 Desember 2023.
  4. "Алексея Навального доставили в ИК-3 в Ямало-Ненецком автономном округе. С ним не было связи почти три недели". Meduza (in Russies). Geargiveer vanaf die oorspronklike op 25 Desember 2023. Besoek op 25 Desember 2023.
  5. Sullivan, Helen; Roth, Andrew (16 Februarie 2024). "Russian activist and Putin critic Alexei Navalny dies in prison". The Guardian. Geargiveer vanaf die oorspronklike op 16 Februarie 2024. Besoek op 16 Februarie 2024.
  6. "Адвокат Навального сообщил о последнем визите к нему" [Navalny's lawyer announced his last visit to him]. РБК (in Russies). 16 Februarie 2024. Geargiveer vanaf die oorspronklike op 16 Februarie 2024. Besoek op 16 Februarie 2024.
  7. "Russian blogger Alexei Navalny in spotlight after arrest" Geargiveer 30 Augustus 2013 op Wayback Machine. Washington Post.
  8. "Russian opposition leader Alexei Navalny 'poisoned'". BBC News. 20 Augustus 2020. Geargiveer vanaf die oorspronklike op 20 Augustus 2020. Besoek op 20 Augustus 2020.
  9. Outspoken Putin critic Alexey Navalny hospitalized after suspected poisoning – CNN Video, CNN, 20 August 2020, https://www.cnn.com/videos/world/2020/08/20/russia-opposition-leader-alexey-navalny-hospitalized-suspected-poisoning-chance-intl-hnk-vpx.cnn, besoek op 20 August 2020 
  10. "Alexei Navalny: Putin critic arrives in Germany for medical treatment". BBC News. 22 Augustus 2020. Geargiveer vanaf die oorspronklike op 22 Augustus 2020. Besoek op 22 Augustus 2020.
  11. CNN, Nadine Schmidt, Gianluca Mezzofiore and Amy Woodyatt. "Russian opposition leader Alexey Navalny was poisoned, Berlin hospital says". CNN. Besoek op 24 Augustus 2020. {{cite web}}: |last= has generic name (hulp)AS1-onderhoud: meer as een naam (link)
  12. "Russia Navalny: Poisoned opposition leader held after flying home" (in Engels). BBC News. 17 Januarie 2021. Besoek op 17 Januarie 2021.
  13. "Russian opposition leader Navalny faces third inquiry". BBC News. 24 Desember 2012. Geargiveer vanaf die oorspronklike op 17 April 2013., BBC, 24 Desember 2012. URL besoek op 25 Desember 2012.
  14. Brumfield, Ben; Phil Black (18 Julie 2013). "Report: Stark Putin critic Navalny hit with criminal conviction" (in Engels). CNN. Geargiveer vanaf die oorspronklike op 8 Desember 2019. Besoek op 18 Julie 2013.
  15. David M. Herszenhorn (18 Julie 2013) "Russian Court Convicts Opposition Leader". New York Times
  16. "Радио ЭХО Москвы :: Новости / Правозащитный центр Мемориал признал Алексея Навального политическим заключенным" (in Russies). Echo.msk.ru. Geargiveer vanaf die oorspronklike op 13 April 2020. Besoek op 19 Julie 2013.
  17. Andrew E. Kramer (16 Oktober 2013) Navalny Is Spared Prison Term in Russia. New York Times.
  18. 18,0 18,1 Vasilyeva, Nataliya (30 Desember 2014). "Conviction of Putin foe sets off protest in Moscow" (in Engels). Associated Press. Geargiveer vanaf die oorspronklike op 22 Maart 2016. Besoek op 31 Desember 2014.
  19. Alexander, Harriet (30 Desember 2014). "Alexei Navalny breaks his house arrest to attend protest against his sentence". The Telegraph (in Engels). Geargiveer vanaf die oorspronklike op 18 Mei 2019. Besoek op 30 Desember 2014.
  20. Вендик, Юри (30 Desember 2014). "ru:Олег Навальный приговорён к 3,5 годам по делу "Ив Роше"" (in Russies). BBC Russian. Geargiveer vanaf die oorspronklike op 5 Januarie 2015. Besoek op 30 Desember 2014.

Eksterne skakels[wysig | wysig bron]

Amptelike webtuiste en blog

Biografie

Kritiese stemme

Wiki-webtuistes