Alexander Wurz

in Wikipedia, die vrye ensiklopedie
Jump to navigation Jump to search
Alexander Wurz
Wurz by die Le Mans 2016
Wurz by die Le Mans 2016
Geboortedatum 15 Februarie 1974 (1974-02-15) (47 jaar oud)
Geboorteplek Waidhofen an der Thaya, Oostenryk
Nasionaliteit Vlag van Oostenryk Oostenryker
Aktiewe jare 1997–2000, 2005, 2007
Inskrywings 69 (69 begin)
Kampioenskappe 0
Oorwinnings 0
Podiums 3
Loopbaanpunte 45
Voorste wegspronge 0
Vinnigste rondtes 1
Eerste F1-wedren 1997 Kanadese Grand Prix
Laaste inskrywing 2007 Chinese Grand Prix

Alexander Wurz (gebore op 15 Februarie 1974) is 'n Oostenrykse voormalige professionele renjaer, bestuurderopleikundige en sakeman. Hy het aan Formule Eenwedrenne deelgeneem van 1997 tot 2007, en is ook 'n tweemalige wenner van die Le Mans 24 uur.

Hy is tans onder kontrak om vir die Toyota-fabriekswedrenspan in die Wêrelduithoukampioenskap te jaag. In Formule 1 is hy 'n kommentator vir TV en media, sowel as die Williams F1-span se bestuurderafrigter en voorsitter van die Grand Prix Drivers' Association.[1]

Loopbaan[wysig | wysig bron]

Soos die meeste Formule Een-jaers, het Wurz se motorsportloopbaan met karting begin. In 1991 het Wurz in Formula Ford meegeding. In 1993 skakel hy oor na die Duitse Formule Drie Kampioenskap. Vanaf 1996 het Wurz 'n Opel Calibra bestuur vir die Joest Racing-toermotorspan in die DTM. In 1996 het Wurz, saam met Davy Jones en Manuel Reuter, die Le Mans 24-uur gewen en sodoende die jongste wenner ooit van die 24-uurwedren geword, 'n rekord wat hy nog steeds hou.

Formule Een[wysig | wysig bron]

Wurz tydens die 1997 Britse Grand Prix op Silverstone.

Wurz se Formule Een-debuut was op 15 Junie 1997 in Montreal vir Benetton toe sy mede-Oostenryker Gerhard Berger weens siekte nie kon jaag nie. [2] Wurz beïndruk met 'n podiumposisie in sy derde wedren (Britse Grand Prix 1997) voordat hy terugkeer as 'n toetsjaer.

Wurz is egter beloon met 'n voltydse renplek vir die 1998-seisoen vir Benetton en het nog drie seisoene by die span deurgebring, met Giancarlo Fisichella as sy spanmaat.

Wurz toets in 2006 vir Williams by Silverstone.

In 2001 hy die rol as toetsbestuurder vir McLaren aangeneem.

In 2002 word hy byna bevorder as renjaer vir McLaren om Mika Häkkinen te vervang, maar hy bly as toetsjaer nadat Kimi Räikkönen oorgeneem het.

In April 2005, toe Juan Pablo Montoya beseer is, ry Wurz vir McLaren in die 2005 San Marino Grand Prix en eindig vierde in die ren, maar behaal 'n derde plek nadat albei BAR-Honda-jaers gediskwalifiseer is. Dit het hom die rekord gegee vir die langste interval tussen podiumplekke van agt jaar.

Williams (2007)[wysig | wysig bron]

Alexander Wurz het aan die begin van 2006 'n ooreenkoms met Williams F1 onderteken om die span se amptelike toets- en reserwedrywer te word. Hy het die derde motor tydens alle Grand Prix Vrydae in 2006 bestuur. Op 3 Augustus 2006 is aangekondig dat Wurz Mark Webber sou vervang as 'n renjaer by Williams vir die 2007 seisoen. Dit was Wurz se eerste voltydse renrit sedert 2000, en sy spanmaat was Nico Rosberg. By die GP van Monaco op 27 Mei 2007 behaal Wurz sy eerste punte vir die Williams F1-span en eindig in die 7de plek nadat hy hom 11de gekwalifiseer het. Hy het op 10 Junie 2007 vir die derde keer in sy F1-loopbaan in die Kanadese Grand Prix 3de gekom. Hy het sy agtervlerk eintlik vroeg in die wedloop beskadig, maar het daarmee gesukkel en op die podium geëindig. Hy het dit byna herhaal tydens die 2007 Europese Grand Prix, maar het net nie by Mark Webber verbygekom tydens die laaste chicane nie. Die wedren was Wurz se laaste punte en veral van nou af het spanmaat Rosberg hom gedistansieer. Op 8 Oktober 2007 kondig Wurz sy onmiddellike uittrede uit die Formule Een aan, wat beteken dat die 2007 Chinese Grand Prix sy laaste ren was. [3]

Honda en Brawn GP (2008–2009)[wysig | wysig bron]

Wurz was die Honda F1-toetsbestuurder vir die 2008 Formule Een-seisoen, 'n rol wat hy behou het tydens die oorgang na Brawn GP in 2009.

Williams (2012)[wysig | wysig bron]

Vir die 2012 Formule Een-seisoen sluit Wurz weer by die Williams F1-span aan, hierdie keer om die onervare jaers Bruno Senna en Pastor Maldonado van die span touwys te maak. [4]

Padveiligheid[wysig | wysig bron]

Wurz is betrokke by baie projekte rakende padveiligheid en die opleiding en bestuur van bestuurders. In 2006 stig hy en sy vader die maatskappy Test and Training International, 'n leier op die gebied van padveiligheid en bestuurdersopleiding. Hy werk ook nou saam met die FIA (Fédération Internationale de l'Automobile), sedert 2011 as bedryfsvennoot van die "FIA Institute Young Driver Excellence Academy".

Wurz is die seun van voormalige rallycross-renjaer Franz Wurz, wenner van die Europese Rallycross kampioenskap in 1974, 1976 en 1982.

Verwysings[wysig | wysig bron]

  1. "Accident Panel". Federation Internationale de l'Automobile. 3 Desember 2014.
  2. F1 Racing magazine, Desember 1997, p 46
  3. "Wurz resigns after Chinese Grand Prix". Geargiveer vanaf die oorspronklike op 11 Oktober 2007.
  4. "Wurz to mentor Williams duo | Williams F1 Team News | Formula 1 Teams | Sky Sports". 2012. Geargiveer vanaf die oorspronklike op 2 Maart 2012. Besoek op 28 Februarie 2012.

Eksterne skakels[wysig | wysig bron]