Alternative für Deutschland

in Wikipedia, die vrye ensiklopedie
Jump to navigation Jump to search

Alternative für Deutschland (AfD) is 'n regse[1] tot verregse[2] politieke party in Duitsland. Die AfD is in April 2013 gestig en het aanvanklik op een beleidsonderwerp gefokus - die omstrede reddingsplan vir die Europese geldeenheid, die euro, wat deur die party summier verwerp is. In die federale verkiesing van daardie jaar kon die AfD nie daarin slaag om die drumpel van 5% van die stemme te haal om die Bundestag te betree nie. In 2014 wen die party sewe setels in die Europese verkiesing as lid van die Europese Konserwatiewes en Reformiste. Die AfD is tans in alle 16 deelstaatparlemente verteenwoordig, en in die federale verkiesing van 2017 word dit die derde grootste party in Duitsland nadat dit 94 setels in die Bundestag wen. Die party sy voorsitter is Jörg Meuthen en sy leidende kandidate in die federale verkiesing van 2017 was ko-adjunkvoorsitter Alexander Gauland en Alice Weidel, wat nou die party se groepsleier in die Bundestag is. Sedert 2017 is die AfD die grootste opposisieparty in die Bundestag.

Die party neem 'n restriktiewe standpunt ten opsigte van immigrasie in en beywer hom vir 'n behoudende maatskaplike beleid. Aangesien baie aanhangers van ver-regse ideologieë hulle tot die AfD aangetrokke voel, huldig die uiteenlopende politieke strominge binne die partygeledere dikwels teenstrydende standpunte. Politieke teenstanders wys daarop dat die party geen antwoorde op brandende politieke kwessies soos Duitsland se behuisingskrisis het nie.

As deel van sy buitelandse beleidsprogram pleit die AfD vir nouer betrekkinge met die Russiese Federasie en die erkenning van Jerusalem as hoofstad van Israel (insluitende die verskuiwing van die Duitse ambassade van Tel Aviv na Jerusalem). Interessant is die AfD die enigste groot party in Duitsland wat ten opsigte van hierdie kwessie 'n pro-Israelse standpunt inneem.

Verwysings[wysig | wysig bron]

    • "Germany's populist AfD seeks to turn online 'censorship' to its advantage". Deutsche Welle. 2 Januarie 2018. Besoek op 22 Januarie 2018.
    • Stone, Jon (13 Januarie 2016). "Germany's right-wing AfD party surges to new high amid concern over refugees". The Independent. Besoek op 7 Junie 2016. Germany's eurosceptic right-wing party has hit a new all-time high in the opinion polls as concern about migration rises in the country.
    • Conradis, Brandon (23 September 2016). "New poll shows Alternative for Germany gaining support". Deutsche Welle. Besoek op 26 September 2016. The right-wing Alternative for Germany (AfD) has garnered some of its best numbers yet in a nationwide poll.
    • Benner, Thorsten (26 September 2016). "Germany's Right-Wing Challenge". Foreign Affairs. Besoek op 26 Desember 2016. All of that is now changing fast, thanks mostly to the rise of the right-wing Alternative for Germany (AfD) party, which is capitalizing on widespread discontent with Merkel's refugee policy.
    • Clasmann, Anne-Beatrice (2 Mei 2016). "Right-wing German party Alternative for Germany adopts anti-Islam policy". The Sydney Morning Herald. Besoek op 7 Junie 2016. The right-wing Alternative for Germany party declared that 'Islam does not belong in Germany' as it passed its new party manifesto on Sunday.
    • "Germany AfD conference: party adopts anti-Islam policy". BBC News. 1 Mei 2016. Besoek op 7 Junie 2016. The German right-wing party Alternative für Deutschland (AfD) has adopted an explicitly anti-Islam policy.
  1. "Germany's far-right party will make the Bundestag much noisier". The Economist. 24 Augustus 2017. Besoek op 24 September 2017.

Eksterne skakels[wysig | wysig bron]