Angelier

in Wikipedia, die vrye ensiklopedie
Jump to navigation Jump to search
Angelier
Ook: Dianthus caryophyllus
Wetenskaplike klassifikasie
Koninkryk: Plantae
Subkoninkryk: Tracheobionta
Divisie: Magnoliophyta
Klas: Magnoliopsida
Subklas: Caryophyllidae
Orde: Caryophyllales
Familie: Caryophyllaceae
Tribus: Caryophylleae
Genus: Dianthus
Spesie: D. caryophyllus
Binomiale naam
Dianthus caryophyllus
L.

’n Angelier of Dianthus caryophyllus is ’n spesie van die genus Dianthus. Dit is waarskynlik inheems aan die Middellandse See-gebied, maar die blomme se presiese omvangsgebied is onbekend omdat dit die afgelope 2 000 jaar al wyd gekweek word.[1][2][3][4]

Eienskappe[wysig | wysig bron]

Dit is ’n kruidagtige, meerjarige plant wat tot 80 cm hoog word. Die blare is grysgroen tot blougroen, slank en tot 15 cm lank. Daar is een tot vyf blomme aan ’n byskerm; hulle is 3–5 cm in deursnee en het ’n soet reuk. Die oorspronklike natuurlike blomkleur is helder pienkpers, maar vandag kry ’n mens kultivars met baie ander kleure, soos rooi, wit, geel en groen.[4][5]

Angeliere het goed gedreineerde, neutrale tot effens alkaliese grond nodig, en volle sonlig. Verskeie kultivars word gekweek om in die tuin te plant.[4] Tipiese voorbeelde sluit in 'Gina Porto', 'Helen', 'Laced Romeo' en 'Red Rocket'. Verskeie siektes kan die plant tref, soos bakteriese en swamsiektes, parasiete en virussse.

Colombia is die grootste kweker van angeliere in die wêreld.

Naam[wysig | wysig bron]

Hoewel die naam "angelier" gewoonlik van toepassing is op die spesie Dianthus caryophyllus, word dit ook dikwels vir ander spesies van Dianthus gebruik, en veral ook vir die tuinhibriede tussen D. caryophyllus an ander spesies.

Verwysings[wysig | wysig bron]

  1. Med-Checklist: Dianthus caryophyllus
  2. Flora Europaea: Dianthus caryophyllus
  3. Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
  4. 4,0 4,1 4,2 Huxley, A., ed. (1992). New RHS Dictionary of Gardening. Macmillan ISBN 0-333-47494-5.
  5. Flora of NW Europe: Dianthus caryophyllus

Eksterne skakels[wysig | wysig bron]