Arno Carstens

in Wikipedia, die vrye ensiklopedie
Jump to navigation Jump to search
Arno Carstens
Geboorte12 Maart 1972 (1972-03-12) (47 jaar oud)
Beroep(e)Sanger
Instrument(e)Stem, kitaar
Webwerfarnocarstens.com
AssosiasiesNew Porn, Springbok Nude Girls
Portal.svg Musiekportaal

Arno Carstens (* 12 Maart 1972– ) is 'n Suid-Afrikaanse sanger en liedjieskrywer.[1] Hy is ook die hoofsanger van die Springbok Nude Girls- en New Porn-musiekgroepe.[2] Sy eerste Afrikaanse album, Die Aandblom 13, is in 2016 vrygestel.

Sanger-liedjieskrywer[wysig | wysig bron]

Arno Carstens is 'n bekroonde Suid-Afrikaanse sanger, liedjieskrywer en kitaarspeler wat tans in Kaapstad en Londen gebaseer is. Gedurende sy loopbaan as die hoofsanger van The Springbok Nude Girls, en daarna as 'n solokunstenaar, het Carstens 7 studioalbums vrygestel en 18 toptien-treffers gehad. Hy het vyf SAMA-pryse ontvang en deel gereeld die verhoog met die legendes van die musiekwêreld.

Carstens het op die hoofverhoog by die Isle of Wight-Fees opgetree, verskyn by die Glastonbury-fees, V Festival, T in die Park en Hard Rock Oproep en opgetree as steunkunstenaar vir groepe soos The Rolling Stones, Paul Weller, The Police, Simple Minds, Ultravox en Meat Loaf op Europese toere.

Diskografie[wysig | wysig bron]

  • Another Universe (2003)
  • The Hello Goodbye Boys (2005)
  • Wonderful Wild (2010)
  • Atari Gala (2012)
  • Lightning Prevails (2014)
  • Die Aandblom 13 (2016)

Another Universe (2003)[wysig | wysig bron]

Another Universe, Arno se debuutsolo-album, is in 2003 vrygestel en as een van die mees verwagte soloprojekte in Suid-Afrikaanse musiekgeskiedenis, het dit nie sy aanhangers teleurgestel nie. Dit was die besverkoper Suid-Afrikaanse Engelse rock-album sover die millennium gewees. Die platinumstatusalbum het 'n SAMA-toekenning as beste rock-album van 2004 verwerf.

The Hello Goodbye Boys (2005)[wysig | wysig bron]

Arno se tweede solo-album, The Hello Goodbye Boys is in 2005 vrygestel. Dit is vervaardig deur die bekende Suid-Afrikaanse studiomaestro Brian O 'Shea (VSA se Seether). The Hello Goodbye Boys het goue status behaal en 'n SAMA-prys gewen in 2006.

Wonderful Wild (2010)[wysig | wysig bron]

Carstens se derde solo-album Wonderful Wild is in die lente van 2010 vrygestel. Dit is geskryf, opgeneem en gemeng in Londen en Spanje, insluitende medeliedjieskrywers Giles Martin, James Walsh, Jim Duguid en Youth se bydraes. Die album is vervaardig deur die legendariese Britse vervaardiger Youth (The Verve se Urban Hymns ) en Jim Duguid (Paolo Nutini se These Streets). Die finale meng van die album is deur Tim Bran behartig.

Die eerste snit, Dreamer, uit die komende Britse debuut is in Februarie 2010 vrygestel.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Who's Who SA, besoek op 13 Maart 2010.

Sien ook[wysig | wysig bron]

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.