Babala

in Wikipedia, die vrye ensiklopedie

   Hierdie artikel behoort versmelt te word met Pêrelbalalagras.
Maak seker om die inhoud te skuif na die bladsy wat reeds aan Wikidata gekoppel is!
Indien altwee gekoppel is, sien hier.

Babala (Pennisetum typhoides, Pennisetum glaucum) is wêreldwyd die bekendste mannasoort. Dit staan ook bekend onder die name pêrelmanna, mbalala, munga, mahangu en nyouti.

Babala is een van die belangrikste landbouprodukte in die droër graanstreke en verarmde en minder vrugbare boerderystreke van Afrika en die suidooste van Asië. Ten minste 18 soorte word verbou, elkeen in sy eie klimaatstreek.

Die blouerige sade word gemaal vir die maak van pap en die brou van bier. Babala word aan varke gevoer om baie spek te kry. Verder word dit as hoenderkos en voëlsaad gebruik. Dit is 'n goeie somerweiding en maak goeie kuilvoer en kan gebruik word vir hooi. Die plant word 1½m tot 3 m hoog en dors baie goed.

Die saad het 'n hoë voedingswaarde. Dit bevat drie maal soveel yster as koring en amper net soveel minerale, vesel en proteïne as koring.

Lees ook[wysig | wysig bron]