Bad Homburg vor der Höhe

in Wikipedia, die vrye ensiklopedie
Bad Homburg vor der Höhe
Stad
Amptelike seël van Bad Homburg vor der Höhe
Seël
Ligging in die deelstaat Hesse
Ligging in die deelstaat Hesse
Bad Homburg vor der Höhe is in Duitsland
Bad Homburg vor der Höhe
Bad Homburg vor der Höhe
Ligging in Duitsland
Koördinate: 50°14′N 08°37′O / 50.233°N 8.617°O / 50.233; 8.617Koördinate: 50°14′N 08°37′O / 50.233°N 8.617°O / 50.233; 8.617
LandVlag van Duitsland Duitsland
DeelstaatHesse
Administratiewe streekDarmstadt
Administratiewe distrikHochtaunuskreis
Regering
 • BurgemeesterAlexander Hetjes (CDU)
Oppervlak
 • Totaal51,14 km2 (19,75 vk. myl)
Hoogte
194 m (636 ft)
Bevolking
 • Totaal54 281[1]
 • Digtheid1 061,4/km2 (2 749/vk. myl)
TydsoneUTC+1:00 (MET)
 • SomertydUTC+2:00 (MEST)
Poskode
61348, 61350, 61352
Skakelkodes06172
Webwerfwww.bad-homburg.de

Bad Homburg vor der Höhe (amptelik Bad Homburg v. d. Höhe) is die administratiewe setel van die distrik Hochtaunuskreis en een van sewe stede in die Duitse deelstaat Hesse met besondere status. Vandag is Bad Homburg danksy sy warm mineraalbaddens 'n gewilde herstellingsoord en kongresstad met meer as 54 200 inwoners.

Bad Homburg is aan die voet van die Taunus-bergreeks, naby Frankfurt am Main en in die metropolitaanse Ryn-Main-gebied geleë. Die plaaslike spabedryf is in 1834 met die ontdekking van die mineraalbron Elisabethbrunnen gevestig. Agt jaar later is die eerste badhotel en kasino geopen. Keiser Wilhelm II het die kasteel van Homburg in 1888 tot sy somerresidensie verklaar. Die amptelike Duitse predikaat Bad, wat na 'n herstellingsoord met warm- of mineraalbaddens verwys, is in 1912 aan die stad toegeken. Voor die Eerste Wêreldoorlog was die mineraalbaddens veral gewild by Russiese adellikes. Bad Homburg se groot Russies-Ortodokse kerkgebou herinner nog aan dié tyd.

Die plaaslike kasino, wat in die 19de eeu deur die gebroeders Blanc gestig is, was in sommige opsigte die voorloper van sy susteronderneming in Monte Carlo, Monaco.

Bad Homburg word deur welvarende woonbuurte met villa's gekenmerk en dien as woonplek vir talle pendelaars wat in Frankfurt am Main werk. Danksy die groot getal ondernemings, wat hulle hier gevestig het, is daar egter meer pendelaars wat uit ander nedersettings Bad Homburg toe kom. Die koopkrag van sy bewoners was in 2012 met 156 merkbaar hoër as die gemiddelde vir Duitsland (100 persent).

Verwysings[wysig | wysig bron]

  1. "Statistik Hessen: Bevölkerung der hessischen Gemeinden. Besoek op 10 Oktober 2019". Geargiveer vanaf die oorspronklike op 10 Oktober 2019. Besoek op 10 Oktober 2019.