Bell P-39 Airacobra

in Wikipedia, die vrye ensiklopedie
Jump to navigation Jump to search
Bell P-39 Airacobra
P-39N Airacobra of the 357th Fighter Group at Hamilton Field in July 1943.jpg
P-39N Airacobra van die 357ste Vegtergroep te Hamilton Field in Julie 1943
Tipe Vegvliegtuig
Vervaardiger Bell Aircraft
Nooiensvlug 6 April 1938
Bekendstelling 1941
Status Uit diens gestel
Hoofgebruikers Amerikaanse Lugmag
Russiese Lugmag
Britse Lugmag
Vervaardig 940 – Mei 1944
Aantal gebou 9 588

Die Bell P-39 Airacobra was 'n vegvliegtuig wat deur die Amerikaanse Lugmag gebruik is tydens die Tweede Wêreldoorlog. Dit was 'n eensitplek, monovlerk vliegtuig en die eerste vegvliegtuig wat met 'n driewiel (instede van 'n stertwiel) raamwerk gebou is. Die motor was agter die kajuit van die vlieënier geïnstalleer, omrede daar 'n groot 37 mm kanon is wat deur die skroef se naaf skiet; tewens die hele vliegtuig was rondom die kanon ontwerp.

Die eerste bestelling is van die Franse Lugmag ontvang, maar na die oorgawe van Frankryk is dit aan die Britse Lugmag afgelewer. Die Airacobra is in Februarie 1941 deur die United States Army Air Forces in diens gestel. In September 1941 is 601 Eskader van die Britse Lugmag met die Bell P-39 Airacobra toegerus.

Die Airacobra was egter nie met 'n turbo-aanjaer toegerus nie, wat sy verrigtingsvermoë negatief beinvloed het. Die vliegtuig is dus van Oktober tot Desember 1941 net vir grondaanvalle gebruik deur die Britse Lugmag. Die USAAF het egter die vliegtuig met 'n redelike mate van sukses in Noord-Afrika gebruik. Daar is ook 5 000 van die vliegtuie aan Rusland verskaf, wat dit gebruik het vir grondaanvalle.

Van 1942 tot 1944 was die Airacobra tesame met die Curtiss P-40 Warhawk die voorste vegters vir die USAAF.

Tegniese besonderhede[wysig | wysig bron]

Besonderhede van die Bell P-39 Airacobra:
Item Statistiek
Aantal motore 1
Tipe motor Skroef
Vervaardiger Allison V-1710-83 inlyn suierenjin
Kraglewering per motor 1 200 perdekrag
Vlerkspan 10,36 m
Lengte 9,19 m
Hoogte 3,61 m
Vlerkoppervlakte 19,79 m2
Maksimum opstygmassa 3 810 kg
Maksimum snelheid 621 km/h
Operasionele hoogte 10 970 m
Togafstand 1 046 km
Klimvermoë 4 575 m in 4 minute, 30 sekondes.
Bewapening Een 37 mm kanon
twee 12.7 mm en vier
7.62 mm masjiengewere

Sien ook[wysig | wysig bron]

Bron[wysig | wysig bron]