Bespreking:Daimler
| Hierdie bladsy is 'n besprekingsbladsy waar verbeteringe tot die Daimler-artikel bespreek word. Hierdie bladsy is nie 'n forum vir 'n algemene bespreking van die artikel se onderwerp nie. |
|||
|
| Artikelriglyne
|
|
.svg){kind=small} | Daaglikse bladtrekke van Daimler
'n Grafiek sou hier vertoon word, maar grafieke is tydelik afgeskakel. Besoek intussen gerus die interaktiewe grafiek by pageviews.wmcloud.org. |
Ou mense[wysig bron]
Die aangehaalde stelling is klaarblyklik omstrede: "Die fabrikaat sluit groot en duur motorvoertuie in, met 'n reputasie dat welgestelde, ouer mense dit graag bestuur". Aliwal2012 noem dat dit miskien in die 1970's gegeld het, maar nie meer in 2017 nie. Hoe nou? Groete. Frank (kontak) 19:03, 18 September 2017 (UTC)
- Beste Frank. Laat my toe om jou in die prentjie te bring. Die gedeelte wat jy aanhaal, is gerig op 'n ou "rumour" wat rondom braaivleisvure in ons (my en jou) jong dae versprei is oor Mercedes-karre. Die persepsie was toe moontlik geldig, soos jy dit in die artikel gestel het: "ryk, ouer mense". Maar ja! dit was daardie jare....
- Sedert Mercedes sy modelreekse vernuwe het met moderner bakwerke en kiesopsies, en sy motorpryse in lyn met Volkswagen, Toyota, Ford, ensovoorts, gekom het, is dit onredelik om te sê: 'n Mercedes is 'n duur kar! Alle karre, bakkies en SUV's is deesdae duur, dit hang net af van jou smaak en jou beursie!
- Die rede hoekom ek so sterk voel hieroor, is omdat ek vermoed die HAT-feitegids wat jy aanhaal is onder die ou bedeling geskryf. Synde ons 'n web-ensiklopedie is, en nie papiergebaseer nie, is dit noodsaaklik om die huidige (moderne) weergawe bloot te lê aan die lesers van die artikel. Ek neem sterk eksepsie daarteen dat daar nou staan "ouer mense". Dit is blatant onwaar in 2017, al sê jou bron so! --Aliwal2012 (kontak) 19:33, 18 September 2017 (UTC)
- 'n Verwysing is gegee, so jou "verwysing benodig" maak nie vir my sin nie. Die pryse is beter, maar Mercedes bly maar 'n duur kar. Bring die "dit sluit in" gedeelte dit nie in konteks nie? Ek sal ook graag wil hoor wat ander daaroor dink. Groete. Frank (kontak) 19:37, 18 September 2017 (UTC)
As Oesjaar my kan "jongman", dan kan ek ook iets sê. My Pa het in sy laat-20's 'n tweedehandse Merc gekoop in die 1980's, toe hy nog ongetroud en enkellopend was. Op skuld (hy het in die mite geglo mens moet 'n goeie kredietwaardigheid kan toon; ek glo weer soos my oupa van moederskant: as jy iets nie kan hê nie, moenie dit koop nie. EN KOOP KONTANT.). Ons (my gesin) het net tweedehandse Mercedesse gery sedert ek kan onthou. Vir my is 'n Mercedes sinoniem met "gesinskar" en "lekker beenruimte" en "Pappie aan die stuur". Jy voel werklik soos 'n koning op die regteragtersitplek (en elektriese vensters). Die 1981 en 1993 E-Klas. Wil ek 'n Mercedes hê? Wel, dis 'n geweldige moeilike vraag. Mercedesse het uitmuntende tweedehandse waarde. Ek hou van die outomatiese ratkas. Die lekker lang neus van die skip om te stuur. Die dik stuurwiel. Jy voel skaars die gaatjies in die pad (nou die dag moes ons met die Golf Rox Hermanus toe ry in die reën - jy voel elke liewe plassie in die pad; maar koppe kan hierdie Volkswagen klim hoor - hy is gemaak daarvoor). Maar hierdie motors is nie gemaak vir spoedhobbels nie. Miskien vir 'n plaaspad as dit nou werklik moet. Die ouer modelle, nie die nuwes nie.
- Agtend op my vrees vir die N2, Sir Lowry's, Franschhoek se pas, Katbakkiespas naby Kagga Kamma, elke verdomde lorrie, die pad tussen Worcester en Robertson, dink ek 'n fiets is my beste keuse. En 'n vliegtuig. Maar verkieslik 'n helikopter as dit vir die langpad bedoel word (à la New York City). Ek hou boggerol van kuier en kruier in die verkeer. Die reis is immers van punt A na punt B. Jammer vir die padstalletjies wat in die slag moet bly... Suidpunt (kontak) 19:39, 18 September 2017 (UTC)
Die Daimler[wysig bron]
'n Armgat soos ek ry net 'n Ford Ranger bakkie. Oor en deur gate, bult op en bult af.... Groete! Oesjaar (kontak) 20:16, 18 September 2017 (UTC)
- Net om jou dag op te beur: my ervaring van Mercedesse het my oë oopgemaak wat die motorbedryf betref: daar bestaan nie iets soos 'n volmaakte kar nie. Selfs Lamborghini's slaan aan die brand. Moet dus nie dink mense wat ou Mercedesse ry het slegs 'n "joy ride" nie.
- Moet net nie uit jou stoel val nie - maar die laaste kopie in 2006 van die 1993 Mercedes was 'n gelukskoot. R30 000 (nadat die vorige een ingeruil is). Goed, die hele enjin moes oorgedoen word, want toe die olie afgetap word klap die ding hande - 'n soort byvoegingsmiddel is deur die verkoper toegevoeg om die ou probleempie te verdoesel. Ag, en die vervelige ou alarmstelsel het nou die dag afgegaan slegs enkele sekondes nadat die deurknoppies binne afgedruk is - gas wat begin opraak (of lek, of geblok raak) in die sentrale sluitmeganisme - die deure word as "oopgemaak" beskou - die alarm gaan af. In spitsverkeer. Mense, maar jy trek aandag, hoor. Dieselfde storie met gas wat opraak vind jy by die lugreëlaar, jy weet?
- Die petroltenk se kap wou eenkeer glad nie oopmaak by 'n vulstasie nie. En nou die dag was my "gat se deksel" toe ons in die middel van die 4-rigtingstop doodvrek. Langs 'n vulstasie/motorhawe. Wat sal die lot sê? "Nee, meneer, ons kan nie die motor versien nie, want dit is 'n Mercedes, ons doen slegs (sekere bakkiename)." Toe moet die motor daar bly by die vulstasie tot 17:00; gelukkig was dit slegs die "rotor" wat die probleem was (motors het wragtig te veel onderdele...). Ons het gedink dit is die vuil petrol wat weer die kar laat verstop het. LRP of Loodvrye petrol of te nie: hoe seker is mens jou kar se petrol wat ingetap word is skoon? En water vloei nie deur krake in die petrolpompe nie? Wees gewaarsku as jy op die platteland wil gaan bly - dit is jou voorland.
- En dan onthou ek was daar die keer toe die olietemperatuur net aanhou styg, en styg, en styg het. Ook 'n ou blokkasietjie.
- Dus, dis tussen die hondlelike Mercedes-Benze van nou vs. 'n elektriese kar soos die Nissan Leaf. Suidpunt (kontak) 20:58, 18 September 2017 (UTC)