Björn Borg

in Wikipedia, die vrye ensiklopedie
Björn Borg
Björn Borg in 2014
Volle naam Björn Rune Borg
Land Vlag van Swede Swede
Woonplek Stockholm, Swede
Geboortedatum 6 Junie 1956 (1956-06-06) (67 jaar oud) [1]
Geboorteplek Södertälje, Swede[1]
Lengte 1,80 m[1]
Gewig 73 kg[1]
Afrigter Lennart Bergelin (1971–1983)
Ron Thatcher (1991–1993)[1]
Begin professioneel 1973[1]
Afgetree 4 April 1983[1][2] (terugkeer vanaf 1991 tot 1993)
Spelstyl Regshandig (tweehandig handrughou)[1]
Loopbaan-wengeld $3 655 751 (soos op 18 Julie 2023)[1] (284de van alle tye)[3]
Int. Tennisheldesaal 1987 (ledeblad)
Enkelspel
Loopbaanrekord 654–140 (82,4%)[1]
Loopbaantitels 66[1]
Hoogste rang No. 1 (23 Augustus 1977)[1]
Grand Slam-uitslae
Australiese Ope 3R (1974)
Franse Ope W (1974, 1975, 1978, 1979, 1980, 1981)
Wimbledon W (1976, 1977, 1978, 1979, 1980)
VSA-Ope E (1976, 1978, 1980, 1981)
Groot toernooie
Toereindronde W (1979, 1980)
WTA-kampioenskap W (1976)
Dubbelspel
Loopbaan-rekord 93–89 (51,1%)[1]
Loopbaantitels 4[1]
Hoogste rang No. 31 (1 Maart 1976)[1]
Australiese Ope 3R (1973)
Franse Ope HE (1974, 1975)
Wimbledon 3R (1976)
VSA-Ope 3R (1975)

Björn Borg (Sweeds: [bjœːɳ bɔrj] ; gebore 6 Junie 1956) is 'n afgetrede professionele tennisspeler van Swede. Hy was bekend vir sy ongewone en opwindende speelstyl en het verskeie rekords gebreek. Hy word as een van die beste tennisspelers van alle tye beskou.

Borg het Wimbledon van 1976 tot 1980 vyf keer in 'n ry gewen,[4] meer as enige speler vantevore, totdat Roger Federer hom geëwenaar het. Borg het ook ses Franse Ope-toernooie ingepalm, wat later deur Rafael Nadal oortref is. Oor sy loopbaan wen hy 11 grandslamtitels in 'n totaal van 62 toernooie.

Sedert sy aftrede het hy 'n klerereeks bedryf. Hy het twee seuns, Robin (gebore in 1985) en Leo (gebore in 2003).

Lewensloop[wysig | wysig bron]

Björn Borg in 2011

Borg is op 6 Junie 1956 in Stockholm gebore en word in Södertälje groot. Sy pa was 'n handelaar. Tennis was destyds taamlik onbekend in Stockholm en die omliggende gebiede. Borg beoefen dan ook "standaard" sportsoorte, soos yshokkie en sokker, totdat sy pa 'n tennisraket by 'n tafeltennistoernooi gewen het. Die jong Borg leer om met hierdie raket te speel en bemeester die spel op negejarige ouderdom.

Op laerskool is Borg deur Lennart Bergelin, 'n voormalige lid van die Sweedse Davisbeker-tennisspan raakgesien. Borg kon in yshokkie met beide sy linker- en regterhand speel. Hy het ook goeie voetwerk in sokker getoon. Borg was goed in sport, stewig gebou, met 'n belowende toekoms voor hom.

Op 14 wen Borg die Wimbledon-juniortitel en bereik die nommer een posisie op die ranglys vir juniors. In 1974 wen Borg sy eerste Grand Prix-toernooi, die Italiaanse Ope. In dieselfde jaar wen hy ook die Franse Ope by Roland Garros, sy eerste grandslamtitel, waarna daar nog vele sou volg.

Borg se bynaam was 'Mr. Cool', omdat hy nooit emosies op die baan gewys het nie. Daar is skertsend gevra of die man darem van vlees en bloed was, en nie dalk van ys nie. As gevolg hiervan kry hy ook ander byname, soos 'The Ice Man', 'Iceberg' en 'IceBorg'.

In 1982 beëindig Borg sy indrukwekkende tennisloopbaan op 26-jarige ouderdom. Hy was nie meer gemotiveerd om te wen nie en tennis was nie meer vir hom lekker nie.

In 1987 is hy in Internasionale Tennis se Heldesaal (Hall of Fame) vereer.

Grand Slam-rekord[wysig | wysig bron]

Björn Borg (links) nadat hy die Franse Ope in 1975 gewen het

Die tabel toon Borg se prestasie tydens elk van die Grand Slam-toernooie in mansenkels waaraan hy deelgeneem het:

Jaar Australiese Ope Franse Ope Wimbledon VSA-Ope
1973 Nie deelgeneem nie Rondte 4 Kwarteindstryd Rondte 4
1974 Rondte 3 Wenner Rondte 3 Rondte 2
1975 Nie deelgeneem nie Wenner Kwarteindstryd Halfeindstryd
1976 Nie deelgeneem nie Kwarteindstryd Wenner Eindstryd
1977 Nie deelgeneem nie Nie deelgeneem nie Wenner Rondte 4
1978 Nie deelgeneem nie Wenner Wenner Eindstryd
1979 Nie deelgeneem nie Wenner Wenner Kwarteindstryd
1980 Nie deelgeneem nie Wenner Wenner Eindstryd
1981 Nie deelgeneem nie Wenner Eindstryd Eindstryd

Verwysings[wysig | wysig bron]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 (en) "Player profile – Bjorn Borg". ATP World Tour. Besoek op 18 Julie 2023.
  2. (en) "Bjorn Borg:History". Geargiveer vanaf die oorspronklike op 24 Januarie 2010. Besoek op 22 Mei 2015.
  3. (en) "Career Prize Money" (PDF). Pro Tennis Live. 17 Julie 2023. Besoek op 18 Julie 2023.
  4. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]