Boererepubliek

Verskeie Boererepublieke het in die verlede binne die grense van die huidige Suid-Afrika bestaan. Die republieke het ontstaan nadat hulle die Brits beheerde Kaapkolonie gedurende die Groot Trek verlaat het.

Boererepublieke

Kaart van die Boererepublieke

Die Boererepublieke in chronologiese volgorde is:

• Natalia Republiek is op 12 Oktober 1839 in die land van die huidige provinsie van KwaZulu-Natal, suid van die Tugelarivier gevestig. Hy is op 12 Mei 1843 na die beleg van Congella toe die land deur die Verenigde Koninkryk geannekseer is ontbind.

• Kliprivier is op 7 Jan 1847 in die land tussen die Tugelarivier en die Buffelsrivier bevestig. Hy is in 1848 ontbind toe die land deur die Verenigde Koninkryk geannekseer is.

• Lydenburg is in 1849 in die Lydenburg se omgewing van die huidige provinsie van Mpumalanga gevestig. In 1857 sluit die republiek by die Republiek van Utrecht aan en in 1860 sluit beide republieke by die Zuid-Afrikaansche Republiek aan.

• Republiek van Zoutpansberg is in 1849 in die huidige provinsie van gevestig Limpopo gevestig. In 1860 sluit die republiek met die Zuid-Afrikaansche Republiek aan.

• Utrecht Republiek is gevestig in 1853 in die Utrecht gebeid van huidige provinsie van KwaZulu-Natal. In 1857 sluit die republiek by die Lydenburg en in 1860 sluit beide republieke in by die Zuid-Afrikaansche Republiek.

• Oranje-Vrystaat is op 17 Februarie 1854 geveswtig. Die republiek bevat die huidige provinsie van die Vrystaat. Hy is op 31 Mei 1902 met die Vrede van Vereeniging ontbind toe hy deur die Verenigde Koninkryk geannekseer is.

• Zuid-Afrikaansche Republiek is op 27 Junie 1857 gevestig. Die republiek bevat die vorige Transvaal provinsie (deesdaë Limpopo provinsie, Mpumulanga, Gauteng en die oosterlikke gedeelte van Noordwes provinsie) en ook die destydse Utrecht Republiek. Hy is op 31 Mei 1902 met die Vrede van Vereeniging ontbind toe hy deur die Verenigde Koninkryk geannekseer is.

• Klein Vrystaat is in 1876 gestig in Piet Retief in die huidige Mpumalanga. DIt is in 1891 met die Zuid-Afrikaansche Republiek gesmelt.

• Stellaland en Goosen was Boererepublieke wat in 1882 in Brits-Betsjoeanaland gestig is. Albei republieke was geleë in 'n deel van Brits-Betsjoeanaland (die huidige Noorwes provinsie, wes van die destydse Zuid-Afrikaansche Republiek. Op 7 Augustus 1883 verenig die twee om die Verenigde State van Stellaland te vorm. In1885 is die republiek heringelyf by Brits-Betsjoeanaland.

• Nieuwe Republiek is in 1884 in die noordoos gedeelte van dir huidige provinsie KwaZulu-Natal gestig. Hy is in 1888 in die Zuid-Afrikaansche Republiek opgeneem as die Distrik Vryheid.

• Upingtonia is in 1885 huidige Grootfontein in gebied van Namibië gestig. Hy word in 1887 by Duits-Suidwes-Afrika ingelyf.

Sien ook

• Boerevolk
• Geskiedenis van die Boererepublieke
• Volksraad