Boslelie

in Wikipedia, die vrye ensiklopedie

Boslelie
Wetenskaplike klassifikasie
Koninkryk:
Divisie:
Klas:
Subklas:
Orde:
Familie:
Tribus:
Genus:
Spesie:
C. miniata
Binomiale naam
Clivia miniata
(Lindl.) Verschaff., (1857)

Die boslelie (Clivia miniata) is ’n spesie blomplante in die genus Clivia en die familie Amaryllidaceae. Dit is inheems aan vogtige habitats[1] in Suid-Afrika (Wes-Kaap, Gauteng en KwaZulu-Natal) en Eswatini – waar dit binnens- en buitenshuis geplant word. Dit is blykbaar ook in Meksiko genaturaliseer.[2]

Eienskappe[wysig | wysig bron]

Die plant het blink, lynvormige blare wat dit ’n gewilde sierplant maak. Dit word sowat 45 cm hoog en die trompetvormige blomme is rooi, oranje of geel met ’n subtiele maar baie soet geur. Dit gaan in die vroeë lente oop. Minstens een kultivar, C. miniata variegata met geel gestreepte blare, word ook aangetref.

In streke met ’n minimum temperatuur laer as 10 ºC word dit as ’n huisplant gekweek.

Probleme[wysig | wysig bron]

Blare wat geskroei voorkom en bruin word, dui op te veel direkte sonlig. Wolluise kan ook voorkom.[3] Die plant is ook effens giftig.

Galery[wysig | wysig bron]

Verwysings[wysig | wysig bron]

  1. RHS A-Z encyclopedia of garden plants. United Kingdom: Dorling Kindersley. 2008. p. 1136. ISBN 1-4053-3296-4.
  2. Kew World Checklist of Selected Plant Families
  3. Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0

Eksterne skakels[wysig | wysig bron]