Bowemeer

in Wikipedia, die vrye ensiklopedie
Spring na: navigasie, soek
Bowemeer
Lake Superior NASA.jpg
Satellietbeeld van die Bowemeer
Lake-Superior.svg
Die Bowemeer en die ander Groot Mere
Koördinate: 48°N 87°W / 48°N 87°W / 48; -87Koördinate: 48°N 87°W / 48°N 87°W / 48; -87
Ligging: Kanada, Verenigde State
Soort: Binnemeer
Oppervlakte: 82 100 km² (31 700 myl²)[1]
Gemiddelde diepte: 147 m (483 vt)[1]
Maksimum diepte: 1 333 m (406 vt)[1][2]
Volume: 12 000 km³ (2 900 myl³)[1]
Lengte: 560 km (350 myl)[3]
Breedte: 260 km (160 myl)[3]
Opvangsgebied: 127 700 km² (49 300 myl²)[1]
Omtrek: 2 783 km (1 729 myl) plus 1 605 km (997 myl) vir eilande[4]
Invloei: Nipigon, Sint Louis, Pigeon, Pic, White, Michipicoten, Kaministiquia
Uitvloei: Sint Marys
Eiland/e: Isle Royale, Apostle-eiland, Michipicoten-eiland, Slate-eilande
Nedersettings: Duluth, MN
Marquette, MI
Sault Ste. Marie, MI
Sault Ste. Marie, ON
Superior, WI
Thunder Bay, ON
Gevries: Desember–April
Kus van die Bowemeer by Neys Provincial Park, Ontario

Bowemeer (Engels: Lake Superior, Frans: Lac Supérieur) is die grootste van die Groot Mere in Noord-Amerika op die grens tussen Kanada en die VSA. Dit is ook die grootste varswatermeer ter wêreld.[5] Die meer beslaan 'n oppervlakte van 82 100 km² met 'n volume van 12 000 km³. Dit grens in die noorde aan Kanada, aan die weste is Minnesota en aan die suide is Wisconsin en aan die ooste is Michigan.

Die meer is 560 km lank en 260 km breed met die oppervlakte wat 183 m bo seevlak is. Die kuslyn van die meer is 2 783 km lank. Die Sint Marysrivier verbind die meer met die Huronmeer. Daar is kanale gebou by Sault Ste Marie om die natuurlike versnellings in die rivier te vermy. Die meer ys vanaf Desember tot April toe.

Franse ontdekkers het die meer Lac Supérieur genoem, omdat dit die hoogste meer van die Grote Mere is. Die grond rondom Bowemeer in Ontario, Minnesota, Wisconsin en Michigan is ryk aan delfstowwe. Koper, yster, silwer, goud en nikkel word hier ontgin. Talle van die nedersettings is (ou) myndorpe, of was by die vervoer van erts betrokke. As gevolg van die natuurskoon is toerisme die gebied se tweede grootste inkomstebron.

Die meer word deur meer as 200 riviere gevoed, waarvan die grootste die Nipigon, die St. Louis, die Pigeon, die Pic River, die White, die Michipicoten en die Kaministiquia is. Bowemeer mond via die St. Marys in die Huronmeer uit. Die grootste eiland is Isle Royale.

Dit is die verste punt van die Sint-Laurenswaterweg, 'n stelsel van kanale en sluise wat tot by die Atlantiese Oseaan strek, wat vir groot skepe geskik is.

Dorpe en stede aan die oewer van die meer[wysig | wysig bron]

Verwysings[wysig | wysig bron]

  1. 1,0 1,1 1,2 1,3 1,4 (en) Great Lakes: Basic Information: Physical Facts”. U.S. Government: 25 Mei 2011. URL besoek op 9 November 2011.
  2. (en) (2006) The New York Times Almanac, 2007, New York, New York: Penguin Books. p. 64. ISBN 0-14-303820-6. 
  3. 3,0 3,1 (en) Great Lakes Atlas: Factsheet #1”. United States Environmental Protection Agency: 11 April 2011. URL besoek op 10 November 2011.
  4. (en) Shorelines of the Great Lakes
  5. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]