Carl Philip van Swede

in Wikipedia, die vrye ensiklopedie
Carl Philip van Swede
Prins van Swede
Hertog van Värmland
Prins Carl Philip in Januarie 2014
Dinastie Huis van Bernadotte
Volle naam Carl Philip Edmund Bertil
Gebore 13 Mei 1979 (1979-05-13) (44 jaar oud)
Stockholm, Swede
Gade van Sofia Hellqvist (sedert 2015)
Kinders Prins Alexander (geb. 19 April 2016)
Prins Gabriel (geb. 31 Augustus 2017)

Prins Julian (geb. 26 Maart 2021)

Vader Carl XVI Gustaf van Swede
Moeder Silvia van Sweden

Carl Philip (Karel Filips) Edmund Bertil (Stockholm, 13 Mei 1979), prins van Swede, hertog van Värmland, (Sweeds: Carl Philip Edmund Bertil, Prins av Sverige, Hertig av Värmland [ˈkʰɑːɭ ˈfiːliːp]) is die enigste seun van die Sweedse koning Carl XVI Gustaf van Swede en koningin Silvia.

Familie[wysig | wysig bron]

Carl Philip het ‘n ouer suster, Victoria (1977), en ‘n jonger suster, Madeleine (1982). Hy is gedoop op 31 Augustus 1979. Sy peetouers is prins Bertil van Swede, prins Leopold van Beiere, koningin Margaretha II van Denemarke en prinses Birgitta van Swede.

Troonopvolging[wysig | wysig bron]

Prins Carl Philip van Swede sy wapen

Carl Philip was aanvanklik kroonprins. In 1979 is die Troonopvolgingswet van 1810 gewysig. Hierdie grondwetlike wysiging het behels dat die troonopvolger die oudste kind van die monarg is, ongeag die kind se geslag. Daarmee was Carl Philip vanaf 1 Januarie 1980 nie meer kroonprins nie aangesien Victoria kroonprinses geword het. Die koning was nie ten gunste van die terugwerkende wysiging nie omdat hy voorkeur gegee het aan sy seun, wat as troonopvolger gebore is. Aangesien sy vader ‘n nasaat is van koningin Victoria van die Verenigde Koninkryk, is Carl Philip opgeneem in die Britse lyn van troonopvolging. In dié lyn staan Carl Philip wel hoër as sy suster Victoria omdat mans in dié lyn voorrang bo vroue kry. Hulle is onderskeidelik in die 182ste en 183ste plek.

Opleiding[wysig | wysig bron]

Prins Carl Philip van Swede se koninklike monogram

Van 1984 tot 1984 het Carl Philip die kleuterskool van die munisipaliteit Västerled, naby Drottningholm, bygewoon. In 1986 het hy sy laerskoolopleiding aan die Smedslättskolan in Bromma begin en daarna het hy na die Ålstensskolan gegaan, ook in Bromma. Van 1992 tot 1994 was hy ‘n leerder aan die Enskilda Gymnasiet in Stockholm. In die herfs van 1994 het hy ‘n student geword aan die Kent College in Amerika. Hierna het hy studeer aan die Lundsbergs skola in Värmland.

Nadat hy sy diploma in 1999 behaal het, het Carl Philip hom aangemeld vir militêre diens. In onderskeidelik 2002, 2004 en 2007 is hy bevorder tot adelbors, luitenant en kaptein by die Koninklike Marine. Van 2003 tot Mei 2006 het Carl Philip ‘n kursus in grafiese ontwerp aan die Forsbergs Skola för grafisk design och reklam gevolg. Hy het ook grafiese ontwerp aan die Rhode Island School of Design in Amerika studeer. In 2009 het hy ook nog aan die Sweedse Landbou-universiteit in Alnarp studeer.

Privaat lewe[wysig | wysig bron]

Carl Philip was sedert 1999 in ‘n verhouding met Emma Pernald. In November 2008 het gerugte van die einde van die verhouding die ronde gedoen. In die poniekoerant Expressen van 4 Maart 2009 het Emma dit bevestig. In April 2010 het die pers Carl Philip verbind met die glansmodel Sofia Hellqvist. Dié paartjie het sedert 2011 in ‘n villa in Djurgården gewoon en op 27 Junie 2014 hul verlowing bekendgemaak.

Hulle is op 13 Junie 2015 in die kapel van die koninklike paleis in Stockholm getroud. Deur dié huwelik het Swede nog ‘n prinses bygekry, want Hellqvist kon haar voortaan prinses en hertogin van Värmland noem.

Prins Carl Philip en Prinses Sofia op hul troudag in 2015

Die egpaar se eersteling, prins Alexander Erik Hubertus Bertil, hertog van Södermanland, is om 18:25 op 19 April 2016 in die Danderyd-hospitaal, Stockholm, gebore.[1] Hul tweede seun, prins Gabriel Carl Walther, hertog van Dalarna, is op 31 Augustus 2017 in die Danderyd-hospitaal in Stockholm gebore. Hul derde seun, prins Julian Herbert Folke, die hertog van Halland, is op 26 Maart 2021 om 11:19vm in die Danderyd-hospitaal gebore.

Bronne[wysig | wysig bron]

Verwysings[wysig | wysig bron]