Christo Wiese-medalje vir Bedryfsleiding
Die Christo Wiese-medalje vir Bedryfsleiding word deur die Suid-Afrikaanse Akademie vir Wetenskap en Kuns toegeken aan opkomende jong sakelui (45 jaar en jonger) wat sukses behaal het. Dit word nie slegs toegeken vir prestasies wat reeds behaal is nie, maar dien ook as aanmoediging.
Die toekenning kan slegs een maal deur ‘n persoon gewen word en bestaan uit ‘n 9 karaat goue medalje.
In 1999 is die Christo Wiese-medalje vir Entrepreneurskap en in 1961 die Frans du Toit-medalje vir Bedryfsleiding ingestel. Die twee pryse is gekonsolideer en staan sedert 2022 bekend as die Christo Wiese-medalje vir Bedryfsleiding. Dit word slegs een maal in drie jaar toegeken.
Ontvangers was Gerhard Jooste van die Atterbury-eiendomsgroep in 2001, Louis van der Watt ook van die Atterbury-groep en Schalk C. Nolte en Dewald Nolte, die stigters van ‘n firma wat internasionaal bekend geword het vir produkte in die finansiële tegnologie-bedryf. In 2022 was die wenner die batebestuurder Hendrik du Toit van Investec en Ninety One.[1]
Verwysings[wysig | wysig bron]