Elisabeth Eybersbeurs

in Wikipedia, die vrye ensiklopedie
Jump to navigation Jump to search

Die Elisabeth Eybersbeurs is 'n beurs wat aan Suid-Afrikaners wat in die buiteland of aan buitelanders wat in Suid-Afrika wou studeer, toegeken is.

Die beurs het in 1994 ontstaan na 'n ooreenkoms tussen die Albert Wessels Trust en die Suid-Afrikaanse Akademie vir Wetenskap en Kuns. Die ooreenkoms was dat die beurs slegs 20 keer toegeken mag word, d.w.s. dat hulle die beurs slegs vir 20 jaar borg.

Die Albert Wessels Trust het jaarliks aan die Akademie ’n bedrag geld beskikbaar gestel vir die toekenning van ’n beurs vir nagraadse studente, dosente en navorsers in die vakgebiede Afrikaans en Nederlands met die oog op ’n tydperk van studie in die buiteland.

Die beurs is vernoem na Elisabeth Eybers, bekende Suid-Afrikaanse digteres. Sy het oor 'n periode van meer as 50 jaar gedig, nooit opgehou om te verras nie en het later 'n al groter vermoë getoon het om met die vers wondere te verrig. Eybers, die ontvanger van etlike literêre pryse, waaronder twee keer die Hertzogprys vir poësie en die gesogte P.C. Hooftprys in Nederland, word op dié wyse gehuldig as een van die grootste Afrikaanse digters.

Die beurs, wat die bevordering van taal en kulturele bande tussen Suid-Afrika en Nederland ten doel gehad het, is in 2014 vir die laaste keer toegeken.

Toekennings[wysig | wysig bron]

Jaar Ontvanger
1994 Ronel de Goede
1995 Atri Carstens
1996 Prof. J.C. Steyn
1997 Christél Rossouw
1998 Dr. Ena Jansen
1999 Me. Marieke van Laar (Universiteit van Utrecht, Nederland)
2000 Dr. A.A. Maes (Katholieke Universiteit Brabant, Tilburg, Nederland)
2001 Dr. Steward van Wyk
2002 Prof. H.P. van Coller
2003 Dr. G.B. van Huyssteen
2005 Dr. A.A.P. Francken (Universiteit van Leiden, Nederland) en

Prof. Luc Renders (Limburgs Universitair Centrum, Diepenbeek, België)

2006 Prof. R.H. Gouws
2007 Dr. Gitte Postel (Universiteit Leiden, Nederland)
2008 Dr. M.P. Human
2009 Dr. Hans Ester (Radboud Universiteit, Nijmegen, Nederland)
2010 Prof. C.N. van der Merwe en prof. H.E.J. van Vuuren
2011 Dr. Gerald Stell (Vrije Universiteit Brussel, België)
2012 Dr. M.E. Botha (Nelson Mandela Metropolitaanse Universiteit, P.E.)
2013 Prof. Pamela Pattynama (Vrije Universiteit Amsterdam)
2014 Prof. E.S. van der Westhuizen (Noordwes-Universiteit)

Bron[wysig | wysig bron]

  • Dr. Linda Brink en Prof. Anne-Marie Beukes van die Suid-Afrikaanse Akademie vir Wetenskap en Kuns.