Diederikkie
| Diederikkie | |
|---|---|
| |
| Roep in suidwes-Kenia opgeneem | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | C. caprius
|
| Binomiale naam | |
| Chrysococcyx caprius | |
Die Diederikkie (Chrysococcyx caprius) is 'n koekoek in die Cuculidae-familie. Die voël is 'n algemene intra-Afrika broeiende somertrekvoël wat in boomvelde, savanne, grasveld en voorstedelike tuine leef. In Engels staan die voël bekend as die Diederik cuckoo of Dideric cuckoo.
Identifikasie
[wysig | wysig bron]Die voël is 17 tot 20 cm lank en weeg 22 tot 42 gram. Hierdie koekoek is een van die kleiner koekoeke, is blinkgroen met kenmerkende vlerkvlekke, rooi oë en groen sye met breë dwarsstrepe. Die volwasse voël het 'n groen kaakstreep en wit wenkbroue wat tot voor die oog strek. Die wyfie is valer, met strepe wat tot op die bors strek en die keel is dikwels dofgelerig. Die wyfie kan maklik verwar word met die meitjie-wyfie; eersgenoemde het duideliker maar minder uitgebreide dwarsstrepe, aan die sye en wit kolle op die voorvlerke. Die jong voël het 'n opvallende rooi snawel en kom in groen en rooibruin morfe voor.
Die voël is 'n broeiparasiet en gebruik wewers, vinke en mossies as broeigashere.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- Newman se Voëls van Suider-Afrika, ISBN 1868729826
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
