Wewervoëls

in Wikipedia, die vrye ensiklopedie
Jump to navigation Jump to search
Ploceidae
'n Swartkeelgeelvink (Ploceus velatus)
Wetenskaplike klassifikasie
Domein: Eukaryota
Koninkryk: Animalia
Filum: Chordata
Klas: Aves
Orde: Passeriformes
Suborde: Passeri
Familie: Ploceidae
Sundevall, 1836
Genera

Sien teks.

Wewervoëls (Ploceidae) is 'n familie van klein sangvoëls wat aan die vinke verwant is. Hierdie voëls weef kunstige neste, meestal met 'n nou ingang wat na onder wys.

Wewervoëls is tussen 8 en 24 sentimeter lank. Die mannetjies het tydens broeityd 'n opvallende verekleed, gewoonlik in geel en swart, maar ook grys, wit en swart. Die wyfies bly onopvallend van kleur. Wewervoëls het 'n relatief kort, dik snawel met afgeronde vlerke. Hulle vreet graan, sade, vrugte en insekte.

Hierdie voëls kom hoofsaaklik op Afrika se savannes voor, hoewel sommige spesies bosbewoners is. Van die spesies trek in groot swerms saam. Die rooikopwewer (Quelea Quelea) vorm swerms van tot 100 000 individue. Hierdie swerms kan honderde kilometers agter kos aantrek. Hulle kom dikwels in gebiede wat deur mense bewoon word voor.

Verskeie spesies wewervoëls broei in kolonies. Hierdie kolonies kan duisende voëls groot wees, met neste wat naby mekaar in boomtoppe hang. Sommige is broeiparasiete, wat hul eiers in die neste van ander voëls lê. Die meeste wewers vleg 'n toegeboude nes van plantmateriaal, soms met 'n lang, buisvormige ingang.

Taksonomie[wysig | wysig bron]

'n Wewervoëltjie besig om sy nes te weef.

Die wewerfamilie bestaan uit ongeveer 100 spesies wat in die volgende genera onderverdeel word:

Ploceidae 

Amblyospiza - Sundevall, 1850



Anaplectes - Reichenbach, 1863



Brachycope - Reichenow, 1900



Bubalornis - Smith, A, 1836



Dinemellia - Reichenbach, 1863



Euplectes - Swainson, 1829



Foudia - Reichenbach, 1850



Malimbus - Vieillot, 1805



Ploceus - Cuvier, 1816



Quelea - Reichenbach, 1850



Sporopipes - Cabanis, 1847



Sien ook[wysig | wysig bron]

Eksterne skakels[wysig | wysig bron]