Claude Auchinleck

in Wikipedia, die vrye ensiklopedie
Jump to navigation Jump to search
Sir Claude Auchinleck

Veldmaarskalk Sir Claude John Eyre Auchinleck, GCB, GCIE, CSI, DSO, OBE (21 Junie 1884 - 23 Maart 1981) was 'n bevelvoerder van die Britse Leër tydens die Tweede Wêreldoorlog. Hy was 'n beroepsoldaat wat 'n groot deel van sy militêre loopbaan in Indië deurgebring het, waar hy vroeg in 1941 gevorder het tot opperbevelvoerder van die Indiese Leër. In Julie 1941 word hy aangestel as opperbevelvoerder van die Midde-Oosterse teater, maar na aanvanklike suksesse het die oorlog in Noord-Afrika teen die Britte gedraai, en hy is in 1942 tydens die deurslaggewende Alamein-veldtog van sy pos onthef.

In Junie 1943 word hy weer aangestel as opperbevelhebber in Indië, waar sy ondersteuning deur die organisering van verskaffing, onderhoud en opleiding vir William Slim se veertiende leër 'n belangrike rol in die sukses daarvan gespeel het. Hy het tot die verdeling in 1947 as opperbevelhebber, Indië gedien, toe hy tot laat 1948 die rol van opperbevelvoerder van alle Britse magte in Indië en Pakistan aanvaar het.

Eksterne skakels[wysig | wysig bron]