Claude Shannon

in Wikipedia, die vrye ensiklopedie
Jump to navigation Jump to search
Claude Shannon
Geboortenaam Claude Elwood Shannon
Gebore 30 April 1916
Petoskey, Michigan, VSA
Oorlede 24 Februarie 2001 (op 84)
Medford, Massachusetts, VSA
Nasionaliteit Amerikaans
Vakgebied Wiskunde en Elektriese Ingenieurswese
Instelling(s) Bell Laboratories
MIT
Instituut vir Gevorderde Studie
Alma mater Universiteit van Michigan
MIT
Doktorale promotor(s) Frank Lauren Hitchcock
Doktorale student(e) Danny Hillis, Ivan Sutherland, Bert Sutherland, Heinrich Arnold Ernst
Bekend vir
Toekennings IEEE Eremedalje (1966)
Nasionale Wetenskapmedalje (1966)
Harvey-prys (1972)
Claude E. Shannon-toekenning (1972)
John Fritz-medalje (1983)
Kyoto-prys (1985)
Nasionale Uitvinderseresaal (2004)
Claude Shannon

Claude Elwood Shannon (*30 April 1916 – †24 Februarie 2001) was ’n Amerikaanse wiskundige, elektroniese ingenieur en kriptograaf en staan bekend as die “vader van die inligtingsteorie”.[1][2]

Shannon is bekend vir sy formulering van die inligtingsteorie wat hy in ’n baanbrekende artikel in 1948 gepubliseer het. Ook aan hom toegedig is die vestiging van die digitale rekenaar en die digitalestroombaanontwerpteorie wat hy in 1937 as 21-jarige meestersgraadstudent aan die Massachusetts Institute of Technology waar hy in sy proefskrif bewys het dat elektriese toestelle van boolse algebra enige logiese, numeriese verhouding om bou en oplos.[3] Shannon het ook bydraes gemaak tot die veld van kriptoanalise wat deur die geallieerde magte gedurende die Tweede Wêreldoorlog gebruik is, insluitend sy basiese werk oor kodekraking en beveiligde telekommunikasie.

Biografie[wysig | wysig bron]

Shannon is in Petoskey, Michigan gebore. Sy vader, Claude Sr. (1862–1934) is ’n afstammeling van die vroeë setlaars in New Jersey, was ’n sakeman en vir ’n wyle ’n boedelverdelingsregter. Shannon se moeder, Mabel Wolf Shannon (1890–1945) was ’n talonderwyseres en vir ’n aantal jaar skoolhoof van die Gaylord Hoërskool. Die grootste gedeelte van die eerste sestien jaar van sy lewe is in Gaylord, Michigan deurgebring waar hy skool bygewoon het en in 1932 daar ook skool klaargemaak het. Shannon het ’n voorliefde vir meganiese en elektriese dinge begin toon. Sy beste vakke was wetenskap en wiskunde. By die huis het hy toestelle soos modelvliegtuie, ’n radiobeheerde modelboot en koordlose telegraafstelsel waarmee hy met ’n vriend ’n halfmyl weg gekorrespondeer het, gebou. In sy grootwordjare het hy gewerk as boodskapper vir die Western Union-maatskappy.

As kind was Shannon se held Thomas Edison en hy het later in sy lewe uitgevind dat hulle verlangs verwant is. Albei was nakomelinge van John Ogden (1609–1982), ’n koloniale leier en voorvader van talle vooraanstaande mense.[4][5]

Shannon was apolities en ’n ateïs.[6]

Verwysings[wysig | wysig bron]

  1. doi:10.1098/rsbm.2009.0015
    This citation will be automatically completed in the next few minutes. You can jump the queue or expand by hand
  2. Bell Labs website: "For example, Claude Shannon, the father of Information Theory, had a passion..."
  3. (en) Poundstone, William (2005). Fortune’s Formula : The Untold Story of the Scientific Betting System That Beat the Casinos and Wall Street. Hill & Wang. ISBN 978-0-8090-4599-0. 
  4. (en) MIT Professor Claude Shannon sterf; was stigter van digitale kommunikasie, MIT — Nuuskantoor, Cambridge, Massachusetts, 27 Februarie 2001
  5. CLAUDE ELWOOD SHANNON, Versamelde Referate, Geredigeer deur N.J.A. Sloane en Aaron D. Wyner, IEEE press, ISBN 0-7803-0434-9
  6. (en) William Poundstone (2010). Fortune's Formula: The Untold Story of the Scientific Betting System. Macmillan. p. 18. ISBN 978-0-374-70708-8. Shannon het homself beskryf as ’n ateïs en was apolities.