1916

Die jaar 1916 was 'n skrikkeljaar wat volgens die Gregoriaanse kalender op 'n Saterdag begin het. Dit was die 16de jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 8 Februarie – Die Universiteit van Fort Hare word in Alice in die huidige Oos-Kaap geopen.
• 12 Februarie – Eerste Wêreldoorlog: Die Slag van Salaita vind plaas in Brits Oos-Afrika.
• 21 Februarie – Eerste Wêreldoorlog: Die Slag van Verdun begin.
• 9 Maart – Generaal Pancho Villa lei 1500 Meksikane in 'n aanval oor die VSA-grens op Columbus, Nieu-Meksiko, wat aanleiding gee tot 'n strafekspedisie deur die Amerikaanse Leër.
• 5 Mei – 'n Groot vloed tref die Baviaanskloof, die Campbell-monument is opgerig ter ere van die slagoffers.
• 20 Mei – Eerste uitgawe van die maandblad De Huisgenoot.
• 31 Mei – Eerste Wêreldoorlog: Die Slag van Jutland vind plaas.
• 24 Junie – Mary Pickford word die eerste filmster om ’n kontrak van ’n miljoen Amerikaanse dollar te kry.
• 1 Julie – Eerste Wêreldoorlog: Die Slag van die Somme begin.
• 1 Julie – Coca-Cola begin die gebruik van die klassieke Coke-bottel.
• 9 Julie – Die Suid-Amerikaanse Sokkerassosiasie word in Buenos Aires, Argentinië, deur vier lande gestig.
• 14 Julie – Eerste Wêreldoorlog: Die Slag van Delvillebos begin.
• 3 Augustus – Sir Roger Casement word gehang weens sy aandeel in die Paasopstand in Ierland.
• 15 September – Eerste Wêreldoorlog: Tenks word vir die eerste keer gebruik tydens die Slag van die Somme deur Brittanje.
• 17 September – Eerste Wêreldoorlog: Die Rooi Baron, 'n bobaasvlieënier van die Duitse Luftwaffe, wen sy eerste luggeveg naby Cambrai, Frankryk.
• 2 November – Tydens die Arabiese opstand teen die Ottomaanse Ryk word sjarief Hoessein ibn Ali as koning van Arabië gekroon.
• 5 November – Die Koninkryk van Pole word gesamentlik deur die keisers van Duitsland en Oostenryk geproklameer.
• 29 Desember – Die SS O'Bell strand net suidwes van die mond van die Mbasherivier en naby Mendupunt in die destydse Galekaland.

Geboortes

• 12 Januarie – Pieter Willem (P.W.) Botha, Suid-Afrikaanse politikus, agste Eerste Minister van Suid-Afrika (1978–1984) en sesde Staatspresident van Suid-Afrika (1984–1989) († 2006).
• 14 Januarie – Bun Booyens, Afrikaanse kultuurhistorikus († 2010).
• 16 Februarie – Epainette Mbeki, Suid-Afrikaanse anti-apartheidsaktivis en moeder van Thabo Mbeki († 2014).
• 4 Maart – Cecil Aronowitz, Suid-Afrikaansgebore altviolis († 1978).
• 11 Maart – Harold Wilson, Eerste minister van die Verenigde Koninkryk († 1995).
• 19 Maart – Theo Gerdener, joernalis, skrywer, Natalse administrateur, senator, minister van binnelandse sake en later leier van die Demokratiese Party († 2013).
• 20 Maart – Ernst van Heerden, Afrikaanse digter († 1997).
• 5 April – Gregory Peck, Amerikaanse akteur († 2003).
• 30 April – Claude Shannon, Amerikaanse wiskundige en kriptograaf († 2001).
• 8 Mei – João Havelange, Brasiliaanse sportbestuurder en FIFA se sewende president († 2016).
• 8 Junie – Francis Crick, Britse molekulêre bioloog, biofisikus en neurosjirurg († 2004).
• 23 Junie – Hermann Gmeiner, Oostenrykse filantroop († 1986).
• 6 Julie – Audrey Blignault, Afrikaanse skrywer († 2008).
• 13 Julie – Gawie Cillié, Suid-Afrikaanse komponis († 2000).
• 7 Augustus – Lalie Beukes, Afrikaanse skrywer († 2009).
• 13 September – Roald Dahl, Walliese skrywer, digter en dramaturg († 1990).
• 4 Oktober – Anton Rupert, Afrikaanse entrepreneur, sakeleier en omgewingsbewaarder († 2006).
• 4 Oktober – Vitaly Ginzburg, Russiese fisikus en ontvanger van 'n Nobelprys.
• 7 Oktober – Walt Whitman Rostow, Amerikaanse ekonoom († 2003).
• 27 Oktober – Hermien Dommisse, Suid-Afrikaanse aktrise en regisseur († 2010).
• 5 November – Cornelis Pama, Suid-Afrikaanse heraldikus en genealoog († 1994).
• 27 November – F.A. Venter, Afrikaanse skrywer († 1997).
• 6 Desember – Owen Horwood, Suid-Afrikaanse politikus, Minister van Finansies († 1998).

Sterftes

• 28 Februarie – Henry James, Amerikaanse skrywer en literêre kritikus (* 1843).
• 12 Maart – Marie von Ebner-Eschenbach, Oostenrykse skryfster (* 1830).
• 3 Augustus – Roger Casement, Ierse nasionalis (* 1864).
• 15 November – Henryk Sienkiewicz, Poolse outeur, ontvanger van die Nobelprys vir Letterkunde 1905 (* 1846)
• 21 November – Frans Josef I van Oostenryk, laaste keiser van Oostenryk en eerste keiser van Oostenryk-Hongarye (* 1830).
• 28 November – M.T. Steyn, Vrystaatse regsgeleerde, politikus en staatsman, President van die Oranje-Vrystaat (* 1857).
• 29 Desember – Grigori Raspoetin, Russiese lekeprediker (* 1869).