Coldplay

in Wikipedia, die vrye ensiklopedie
Spring na: navigasie, soek
Coldplay
Coldplay lineup-cropped.jpg
Oorsprong Londen (Engeland)
Genre(s) Alternative rock
Uitgewer(s) Parlophone
Capitol
EMI
Webwerf www.coldplay.com
Portal.svg Musiekportaal

Coldplay is 'n musiekgroep wat in 1997 in Londen (Engeland) tot stand gekom het. Die groep bestaan uit hoofsanger, pianis en kitaarspeler Chris Martin, hoofkitaarspeler Jonny Buckland, baskitaarspeler Guy Berryman, en tromspeler en multi-instrumentalis Will Champion. Coldplay het al 32,5 miljoen albums verkoop[1] en is bekend vir hul trefferenkelsnitte "Yellow", "The Scientist", "Speed of Sound", "Violet Hill", "Viva la Vida" en die Grammy-bekroonde "Clocks".

Coldplay het wêreldwyde bekendheid verwerf met die vrystelling van hul enkelsnit "Yellow", gevolg deur hul debuutalbum Parachutes in 2000, wat vir die Mercury-toekenning genomineer is. A Rush of Blood to the Head, wat in 2002 vrygestel is, het verskeie toekennings verwerf, insluitende NME se Album van die Jaar, en is later op die Rolling Stone-tydskrif se lys van 500 Greatest Albums of All Time ingesluit. Hul volgende vrystelling, X&Y, in 2005, het 'n minder entoesiastiese dog steeds positiewe ontvangs geniet. Die groep se vierde ateljeealbum Viva la Vida or Death and All His Friends in 2008 is deur Brian Eno vervaardig en is positief deur kritici ontvang. Al Coldplay se albums het groot kommersiële sukses behaal.[2][3]

Coldplay se eerste materiaal is vergelyk met Jeff Buckley, U2 en Travis. Sedert die vrystelling van Parachutes is Coldplay deur ander bronne beïnvloed, soos Echo and the Bunnymen, Kate Bush en George Harrison op A Rush of Blood to the Head; Johnny Cash en Kraftwerk op X&Y; en Arcade Fire en My Bloody Valentine op Viva la Vida or Death and All His Friends. Coldplay ondersteun verskeie sosiale en politieke bewegings, soos Oxfam se Make Trade Fair-veldtog en Amnestie Internasionaal. Die groep het ook al by verskeie liefdadigheidskonserte opgetree, soos Band Aid 20, Live 8 en die Teenage Cancer Trust.

Diskografie[wysig]

  • Parachutes (2000)
  • A Rush of Blood to the Head (2002)
  • X&Y (2005)
  • Viva la Vida or Death and All His Friends (2008)
  • Mylo Xyloto (2011)

Verwysings[wysig]

  1. USA Today: Coldplay, singer Chris Martin hot to make fans happy”. USA Today. 2008-06-11. URL besoek op 2008-07-02.
  2. Yahoo! Music: Coldplay chills out Peas, Stripes
  3. Digital Spy: Coldplay album goes platinum in three days