Colonia del Sacramento

in Wikipedia, die vrye ensiklopedie
Spring na: navigasie, soek
Colonia del Sacramento
Stadsmuur met stadspoort
Stadsmuur met stadspoort
Wapen van Colonia del Sacramento
Wapen
Ligging van Colonia del Sacramento op 'n kaart (Uruguay)
Colonia del Sacramento
Colonia del Sacramento
Koördinate: 34°28′11″S 57°50′48″W
Land Vlag van Uruguay Uruguay
Department Colonia
Stigting 1680
Hoogte 23 m (75 vt)
Bevolking (2011)
 - Stad 25 762
Tydsone UYT (UTC-3)
 - Somer (DST) UYST (UTC-2)
Poskode 70000
Skakelkode(s) +452
Webwerf: colonia.gub.uy
'n Tipiese straat in Colonia del Sacramento
Vuurtoring in Colonia de Sacramento

Colonia del Sacramento (Portugees: Colônia do Sacramento) is 'n dorp in die suid-weste van Uruguay, teen die Río de la Plata en sowat 177 kilometer van die hoofstad Montevideo af geleë, met 25 762 inwoners (2011). Dit is die oudste nedersetting in die land en hoofstad van die departamento Colonia. Veerbote verbind die nedersetting met die Argentynse hoofstad Buenos Aires.

Geskiedenis[wysig]

Die vesting en dorp is in Januarie 1680 deur die Portugese goewerneur van Rio de Janeiro, Manuel Lobo, in opdrag van die prins-regent Pedro II van Portugal vir verdedigingsdoeleindes gestig. Later het die Spanjaarde, wat hulle aan die oorkant van die Río de la Plata in Buenos Aires gevestig het, vanweë sy strategies belangrike ligging aanspraak gemaak op Colonia del Sacramento. Die inheemse Guaraní-stamme het in 1742 oorlog teen die Portugese gevoer om hulle te verdryf.

In 'n aantal ooreenkomste soos die Verdrag van Madrid van 1750 en die Verdrag van Santo Ildefonso van 1777 het die nedersetting en sy vesting om die beurt onder Spaanse en Portugese bewind gekom, totdat dit uiteindelik vir goed in Spaanse hande gebly het. Later het dit nog een keer onder Portugese heerskappy gekom. Met die inlywing van Uruguay by Brasilië in 1816 as Banda Oriental het die dorp ook 'n tyd lank onder Brasiliaanse bewind gekom.

Die historiese dele van Colonia del Sacramento is in Desember 1995 deur UNESCO as 'n wêrelderfenisgebied gelys. Die 17de eeuse katedraal is die oudste kerkgebou in Uruguay.

Eksterne skakels[wysig]