Dale Carnegie

in Wikipedia, die vrye ensiklopedie
Jump to navigation Jump to search
Dale Carnegie
Geboortenaam Dale Harbison Carnagey
Geboorte 24 November 1888
Maryville, Missouri
Sterfte 1 November 1955
Forest Hills, New York
Beroep Skrywer, lektor, sakaman
Bekend vir Boeke
Bekende werke How to Win Friends and Influence People
How to Stop Worrying and Start Living
Dale Carnegie signature.svg

Dale Carnegie (1888–1955) was 'n Amerikaanse skrywer, lektor en sakeman. Hy het talle kursusse vir self-verbetering, verkooptegnieke, kollektiewe opleiding, openbare redevoering en interpersoonlike vaardighede ontwikkel. Sy topverkoperboek, How to Win Friends and Influence People (1936), handel oor doeltreffende kommunikasie en metodes om sukses in die sakewêreld te behaal.[1] Naas die biografie van Abraham Lincoln, getiteld Lincoln the Unknown, het hy talle ander boeke gelewer.

Een van die kernidees in sy boeke is dat dit moontlik is om ander mense se gedrag te verander deur jou gedrag teenoor hulle te verander.

Lewensloop[wysig | wysig bron]

Dale Harbison Carnagey is op 24 November 1888 in Maryville, Missouri gebore. Hy was die tweede seun van James William en Amanda Elizabeth Carnagey en het arm grootgeword. Hy moes soggens om 4 uur opstaan om die koeie te melk, maar het nie sy studies afgeskeep nie.

Ná universiteit verkoop hy korrespondensiekursusse aan boere. Daarna verkoop hy spek, seep en varkvet vir Armour&Company. Hy was 'n uiters suksesvolle verkoopsman gewees en die verkope in sy gebied het die hoogte ingeskiet.[2]

Om homself te bemark het hy sy van (agternaam) van Carnagey na Carnegie verander, omdat Andrew Carnegie destyds 'n wyd gerespekteerde en erkende naam was.

Carnegie se eerste huwelik loop in 1931 op 'n egskeiding uit. Op 5 November 1944 trou hy met Dorothy Price Vanderpool, wat ook 'n egskeiding agter die rug gehad het. Hy het twee dogters gehad, Rosemary uit sy eerste huwelik, en Donna Dale uit sy tweede.

Hy sterf op 1 November 1955 aan Hodgkin se limfoom en is in Belton in Missouri begrawe.[3]

Bibliografie[wysig | wysig bron]

Van sy Engelse boeke:

  • Public Speaking and Influencing Men in Business, 1931
  • How to Win Friends and Influence People, 1936
  • How to Stop Worrying and Start Living, 1948
  • The Quick and Easy Way to Effective Speaking, 1962 (met Dorothy Carnegie (ed.))
  • Lincoln the Unknown, 1932

In Afrikaans vertaal:

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Dale Carnegie (1964) How To Win Friends And Influence People, p. 9.
  3. Staff. "JOSEPHINE CARNEGIE WED; She Becomes Bride of Gerard B. Nolan at Forest Hills", The New York Times, 30 Mei 1937.