Dan Plato

in Wikipedia, die vrye ensiklopedie
Daniel Plato
Dan Plato
Dan Plato in 2019

Burgemeester van Kaapstad
Ampsbekleër
Termynaanvang
6 November 2018
Vise Ian Neilson
Voorafgegaan deur Patricia de Lille
Ampstermyn
12 Mei 2009 – 1 Junie 2011
Vise Grant Haskin
Ian Neilson
Voorafgegaan deur Helen Zille
Opgevolg deur Patricia de Lille

Wes-Kaapse provinsiale minister van gemeenskapsveiligheid
Ampstermyn
1 Junie 2011 – 31 Oktober 2018
Eerste minister Helen Zille
Voorafgegaan deur Albert Fritz
Opgevolg deur Alan Winde

Persoonlike besonderhede
Gebore 5 Oktober 1960 (1960-10-05) (63 jaar oud)
Kaapstad
Politieke party People's Movement for Change

Daniel "Dan" Plato (gebore op 5 Oktober 1960[1]) is 'n Suid-Afrikaanse politikus. Hy was die uitvoerende burgemeester van Kaapstad, Suid-Afrika,[2] en die voormalige Provinsiale Minister van Gemeenskapsveiligheid in die Wes-Kaap.[3] Hy was betrokke by politieke aktiwiteite sedert sy hoërskooldae, veral in Kaapstad se noordelike voorstede.

Vroeë lewe en politieke aktiwiteite[wysig | wysig bron]

As 'n gemeenskaplike organiseerder, het hy 'n groot rol by die saamtrekking van mense teen die apartheidsregime gespeel. In die middel-1980's, het hy in die Nooddienseenheid van die voormalige Bellville Munisipaliteit (Tygerberg Administrasie) gewerk, en hy het Kaapstad se voorsitter van die Suid-Afrikaanse Nasionale Tuberkulose Vereniging in die middel-1990's geword.

In 1996 het Plato 'n raadslid en voltydse politikus geword. Hy het twee termyne as voorsitter van Kaapstad se ekonomiese ontwikkeling, toerisme en eiedomsbestuur portefeuljekomitee gedien en tussen 2006 en 2009, het hy die Behuisingsportefeulje in die burgemeesterskomitee gelei. Gedurende hierdie tydperk, as ondervoorsitter van die DA Metro-streek en DA-koukus in Kaapstad, het hy ook as waarnemende uitvoerende burgemeester by verskeie intervalle gedien. Kort voordat hy tot uitvoerende burgemeester in Mei 2009 gekies is, het Plato as die burgemeesterskomiteelid verantwoordelik vir dienslewering en ekonomiese ontwikkeling geword.

Op 30 April 2009 het Helen Zille as burgemeester van Kaapstad bedank om die Premier van die Wes-Kaap te word. 'n Vakature is dus in die posisie geskep. Plato sowel as Ian Neilson en Grant Pascoe het hul kandidatuur vir die pos verklaar. Plato is daarna gekies as die party se voorkeurkandidaat.[4]

Plato is op 12 Mei 2009 burgemeester van Kaapstad verkies. Hy het met een honderd-en-negentig stemme teen die ANC se kandidaat Belinda Landingwe se nege-en-sestig stemme gewen. Ses raadslede het onthou van die stemming af.[5]

In 2011 het Plato verklaar dat hy voornemens is om 'n volle termyn as burgemeester van Kaapstad te beplan voor die komende 2011 munisipale verkiesings. Sy uitdagers vir die pos was die burgemeesterskomiteelid vir Maatskaplike Ontwikkeling, Grant Pascoe, burgemeesterskomiteelid vir Behuising Shehaam Sims, en Leier van die Onafhanklike Demokrate Patricia de Lille. Plato is daarna deur De Lille in 'n interne partyverkiesing verslaan. Hy het op 1 Junie 2011 die pos verlaat.[6][7]

In Mei 2011 het die Wes-Kaapse Premier, Helen Zille, haar provinsiale kabinet hervorm en aangekondig dat Plato as Provinsiale Minister van Gemeenskapsveiligheid aangewys is.[8]

In Augustus 2018 het Plato aangekondig dat hy 'n kandidaat was om Patricia de Lille as burgemeester van Kaapstad te vervang nadat De Lille aangekondig het dat sy op 31 Oktober 2018 effektief sal bedank.[9]

Op 18 September 2018 het die Demokratiese Alliansie aangekondig dat Plato die Lille sal vervang. Hy het prominente kandidate soos die Speaker van die Wes-Kaapse Provinsiale Parlement, Sharna Fernandez en die adjunkburgemeester van Kaapstad, Ian Neilson, uitgestof.

Plato is op 6 November 2018 tydens 'n spesiale raadsvergadering as burgemeester van Kaapstad verkies. Hy het 146 uit 202 geldige stemme ontvang. Ses stembriewe was bederf. Die stemming is via geheime stemming gehou. Sy hoofuitdagers was Xolani Sotashe van die African National Congress en Grant Haskin van die Afrika Christen-Demokratiese Party. Sotashe het 53 stemme gekry, terwyl Haskin 3 stemme gekry het.[10]

Verwysings[wysig | wysig bron]

  1. "Mr Daniel "Dan" PLATO". Who's Who of Southern Africa. Geargiveer vanaf die oorspronklike op 29 Januarie 2010. Besoek op 21 Augustus 2009.
  2. "Dan Plato: Everything you need to know about Cape Town's next mayor" (in Engels). 18 September 2018. Geargiveer vanaf die oorspronklike op 29 Maart 2019. Besoek op 31 Oktober 2018.
  3. "Cape Town names new mayor" (in Engels). 12 Mei 2009. Geargiveer vanaf die oorspronklike op 15 Mei 2009. Besoek op 31 Oktober 2018.
  4. Who will succeed Zille?. Besoeko op 10 April 2019.
  5. Plato elected as Cape Town's new mayor. Besoek op 10 April 2019.
  6. De Lille ‘DA mayoral candidate’. Besoek op 10 April 2019.
  7. Who will be DA mayoral candidate?. Besoek op 10 April 2019.
  8. Zille announces new cabinet. Besoek op 10 April 2019.
  9. https://www.iol.co.za/capeargus/news/dan-plato-itching-to-wear-capes-mayoral-chains-again-16523601
  10. Dan Plato elected as Cape Town mayor Geargiveer 10 April 2019 op Wayback Machine. Besoek op 10 April 2019.
Voorafgegaan deur
Patricia de Lille
Uitvoerende Burgemeester van Kaapstad
2018–hede
Opgevolg deur
Ampsbekleër
Voorafgegaan deur
Albert Fritz
Wes-Kaapse provinsiale minister van gemeenskapsveilgiheid
2011–2018
Opgevolg deur
Alan Winde
Voorafgegaan deur
Helen Zille
Uitvoerende Burgemeester van Kaapstad
2009–2011
Opgevolg deur
Patricia de Lille