Dana International

in Wikipedia, die vrye ensiklopedie
Jump to navigation Jump to search
Dana International
Dana International op Het Grote Songfestivalfeest 2019.jpg
Dana International tree op by die "Het Grote Songfestivalfeest", 2019
Agtergrondinligting
Ook bekend asSharon Cohen
Gebore2 Februarie 1969 (1969-02-02) (52 jaar oud)
Tel Aviv, Israel
GenresDans, pop, trans
Beroep(e)Sangeres, liedjieskrywer
InstrumenteStem
Jare aktief1992–tans
EtiketteHed Arzi Music
Webwerfdanainternational.com
Dana International tree in 2016 op

Sharon Cohen (Hebreeus: שרון כהן; gebore 2 Februarie 1969), professioneel bekend as Dana International (Hebreeus: דנה אינטרנש'ונל), is 'n Israelse popsangeres. Sy het agt albums en drie bykomende versamelalbums uitgereik. Sy was die wenner van die Eurovisie-sangfees in 1998 in Birmingham met die liedjie Diva.

Nadat sy haar aanvanklike kommersiële sukses met die albums Umpatampa (1994) en Maganuna (1996) gekonsolideer het, is sy in 1998 gekies om Israel te verteenwoordig by die Eurovisie-sangfees in Birmingham, Engeland, met haar liedjie "Diva". Nadat sy 'n eerste plek in die internasionale kompetisie behaal het, het sy dwarsoor Europa onder die algemene publiek se aandag gekom.

Nadat Dana hierdie sukses opgevolg het met die albums Free (1999), Yoter VeYoter (2001), HaHalom HaEfshari (2002) en Hakol Ze Letova (2007), verteenwoordig sy Israel in 2011 'n tweede keer in die Eurovisie-sangfees, hierdie keer met die liedjie "Ding Dong", wat nie die finale ronde gehaal het nie. In dieselfde jaar word sy 'n beoordelaar op die Israelse televisiemusiek-talentwedstryd Kokhav Nolad. [1]

Kinderjare en vroeë lewe[wysig | wysig bron]

Cohen is in Tel Aviv, Israel, as Yaron Cohen (Hebreeus: ירון כהן) gebore in 'n gesin van Jemenities-Joodse afkoms. [2] [3] Haar grootouers aan haar vaderskant het in Petah Tikva, net buite Tel Aviv, gewoon. Sy was die jongste van drie kinders en is vernoem na 'n oom wat tydens 'n terreuraanval vermoor is.

Alhoewel sy as manlik by geboorte aangewys is, het sy van jongs af as vroulik geïdentifiseer. Vandat sy agt jaar oud was, wou Sharon 'n sangeres word. Nadat sy die Israelse sangeres Ofra Haza haar liedjie 'Chai' in die 1983 Eurovision-sangfees gesien uitvoer het, het sy haarself beloof dat sy ook eendag op 'n Eurovisie-sangfees verhoog sou optree. Alhoewel die gesin redelik arm was, het haar ma, Bat-Galim Cohen, gewerk om vir haar en haar suster se musieklesse te betaal. Sharon het haar kinderjare as 'baie gelukkig' beskryf. Sy het op 13-jarige ouderdom ontdek dat sy nie aangetrokke tot meisies was nie, maar slegs eers op die ouderdom van 16 haar vroulikheid volledig aanvaar en omhels. Dis onbekend wanneer presies sy as transgender uitgekom het.

Dana International het haar verhoognaam geskep uit 'n vroulike weergawe van 'n jeugvriend, Daniel, wat in 'n motorongeluk dood is.

Loopbaan[wysig | wysig bron]

1990–1993: Dana International[wysig | wysig bron]

Op 18-jarige ouderdom het Cohen (destyds steeds wettiglik manlik) 'n bestaan gemaak en geld verdien as 'n fopdosser onder die naam Saida. Sy het verskeie bekende vroulike sangeresse geparodieer. Cohen het bekendheid verwerf in Tel Avivse klubs. Tydens een van haar optredes in 1992 word sy ontdek deur Offer Nissim, 'n bekende Israelse DJ, wat haar debuut-enkelsnit "Saida Sultana" ("Die Groot Saida") ('n satiriese weergawe van Whitney Houston se liedjie "My Name Is Not Susan") vervaardig het. Die liedjie het aansienlike blootstelling gekry, nie net in Israel nie, maar ook elders in die Midde-Ooste te danke aan die feit dat sy verskeie tale in die lied geïnkorporeer het, onder andere, Arabies, Hebreeus en Engels. Saida Sultana het haar loopbaan as professionele sangeres van stapel gestuur.

Nadat sy genoeg geld gespaar het wat sy deur die verkope van haar enkelsnit gemaak het, het Dana International in 1993 Londen toe gevlieg om 'n geslagsveranderingsoperasie te ondergaan en sy het haar naam wettiglik verander na Sharon Cohen. Met haar nuwe naam keer Sharon terug huis toe en stel haar eerste album, getiteld Danna International, in Israel vry. Kort daarna is die album in verskeie ander lande vrygestel, insluitend Griekeland, asook lande in die Arabiese wêreld. Ongeveer 6 miljoen onwettige kassetkopieë is in lande soos Egipte, Sirië, Tunisië en Jordanië verkoop onder die skuilnaam 'Shushu'. Sharon se verhoognaam Dana International kom van die titelsnit van die album, en was oorspronklik met twee n'e gespel. Danna International het vinnig 'n goue plaat in Israel verwerf.

1994–1995: Umpatampa en Eurovisie-sangfees[wysig | wysig bron]

In 1994 het Dana haar tweede Trance-geïnspireerde album, Umpatampa vrygestel wat op die sukses van haar debuut gebou het en wat meer treffer-enkelsnitte besorg het. Die album het platinum-status in Israel bereik en het al meer as 50 000 kopieë verkoop. Te danke aan haar gewildheid en die sukses van die album was sy in 1994 as Beste Vroulike Kunstenaar van die Jaar in Israel toegeken.

In 1995 het Dana gepoog om haar kinderdroom te verwesenlik; om in die Eurovisie-sangfees op te tree. Sy het aan die Eurovisie-kwalifiserende wedstryd in Israel deelgeneem met 'n lied getiteld "Layla Tov, Eropa" ("Goeie Naand, Europa") wat slegs tweede in die voorkeurswedstryd geëindig het, maar steeds 'n treffer-enkelsnit geword het.

Later in 1995 het Dana 'n EP met die naam van EP Tampa vrygestel met drie nuwe liedjies en vier remixes en spesiale weergawes van haar vorige liedjies.

1996–1998: Konsolidasie van gewildheid, Diva en hoofstroom kollig[wysig | wysig bron]

Na die sukses en gewildheid van Saida Sultana in Egipte, het Dana in 1996 besluit om in die geheim voor die Piramides van Giza te poseer vir 'n fotosessie. In 'n onderhoud aan Mako Weekend (סוף השבוע), het Dana vertel dat dit vreesanjaend was en dat "almal geweet het niemand in dié Islamitiese land sou 'n transgender vrou met minimale klere toelaat om daar te poseer nie". Die Egiptiese polisie het vinnig van haar teenwoordigheid geleer en sy is beskuldig daarvan dat sy as 'n Mossad agent na Egipte toe gestuur is om die jeug te vernietig. Dana is lewenslank uit Egipte verban. Die fotos van haar fotosessie in Egipte kan besigtig word by 'n uitstalling in Holon.

In 1996 het Dana haar derde album, Maganuna, vrygestel. Alhoewel hierdie album minder suksesvol was as haar vorige pogings, behaal dit steeds die verkope van goue plate in Israel en bevat die treffers "Don Quijote", "Menafnefet" en die klubgunsteling "Cinque Milla." In 1997 werk Dana saam met die Israelse kunstenaar Eran Zur aan sy album Ata Havera Sheli ("Jy is my meisie"), en saam sing hulle die duet 'Shir Kdam-Shnati (Sex Acher)' ('Pre-Bed Song (A Different Kind of Sex)') wat 'n groot treffer geword.

Dana was gekies om Israel te verteenwoordig in die Eurovisie-sangfees 1998 in Birmingham, Engeland met die liedjie " Diva ". Ortodokse Jode en ander mense met konserwatiewe sienings was sterk gekant teen hierdie keuse en het probeer om haar deelname aan die wedstryd te verhoed. In Mei 1998 voer Dana 'Diva' uit in die Eurovisie-eindstryd en wen die wedstryd met 172 punte. Sy het internasionale bekendheid verwerf en is onder meer deur CNN, BBC, Sky News en MTV ondervra. Die fokus van die onderhoude was veral op haar lewe as 'n transseksuele persoon voordat sy die wedstryd gewen het. Dana, 'n toegewyde en gelowige Jood, se eie woorde "die boodskap van versoening" was; My oorwinning bewys dat God aan my kant is. Ek wil my kritici 'n boodskap van vergifnis stuur en vir hulle sê: probeer om my en die soort lewe wat ek lei te aanvaar. Ek is wat ek is en dit beteken nie dat ek nie in God glo nie en ek is deel van die Joodse nasie. [4]

Dana het 'Diva' as 'n enkelsnit in Europa uitgereik. Dit het 'n treffer geword en nommer 11 op die Britse trefferslys gehaal en die top tien in Swede, België, Finland, Ierland en Nederland.

1999-2001: Val op die verhoog, Streisand-cover en nuwe albums[wysig | wysig bron]

In 1999 het Dana Woman in Love, 'n Barbra Streisand cover, vrygestel. In Mei 1999 neem Dana weer deel aan die Eurovisie-sangfees wat in Jerusalem gehou is. Dana was deel van die interval-optrede en het die Stevie Wonder-liedjie Free gesing. 'n Onvergeetlike oomblik van die aand was toe sy die toekenning aan die wenners van die wedstryd oorhandig het. Terwyl sy die swaar trofee gedra het, het een van die komponiste van die bekroonde Sweedse inskrywing per ongeluk op die lang sleep van haar rok getrap en sy het op die verhoog neergeval - voor 'n televisiegehoor van ongeveer een miljoen, wat dit een van die mees onvergeetlike oomblikke in die 50-jaarlange geskiedenis van die wedstryd maak.

Sy het in 1999 haar volgende album, Free, in Europe uitgereik, wat matige sukses behaal het. 'n Paar maande later trek Dana terug na Israel en begin om aan verskillende projekte te werk. Israelse en Japannese uitgawes van Free is in 2000 vrygestel. In dieselfde jaar is daar 'n Israelse dokumentêre film oor Dana gemaak, genaamd Lady D.

In 2001, ná 'n breuk, het Dana haar sewende album Yoter Ve Yoter (Meer en Meer) uitgereik. Die album het haar loopbaan in Israel weer op dreef gebring en het twee treffers genaamd 'Ani Nitzachti' (Ek het gewen) en 'Achrei HaKol' (Na alles) verskaf, wat uiteindelik albei goud verower het.

2002-2007: vervaging van die sangwêreld en Sony BMG-voorval[wysig | wysig bron]

Dana International het 'n bekende sangeres geword nadat sy Eurovision gewen het.

Dana was op die punt om by 'n groot etiket, Sony BMG Music Entertainment, 'n internasionale opnamekontrak te onderteken. Daar was meningsverskille wat daartoe gelei het dat Sony Music die transaksie gekanselleer het voordat dit afgehandel kon word.

In 2002 stel sy nog 'n album vry, HaHalom HaEfshari (Die bereikbare droom), wat 'n kleintrefferslys sukses was. In 2003 het sy 'n eksklusiewe 8-CD-boksreeks vrygestel wat alle enkelsnitte uit The Possible Dream bevat het, asook 'n nuwe house-weergawe van die treffer-enkelsnit "Cinque Milla", getiteld A.lo.ra.lo.la.

'n Paar jaar later, in 2005, neem Dana deel aan die 50-jarige bestaan van die Eurovisie-sangfees, wat in Kopenhagen gehou is, nadat 'Diva' gekies is as een van veertien liedjies wat beskou was as een van die beste Eurovisie-liedjies. Die liedjie het nie die top vyf bereik nie. Dana het die kans gekry om beide 'Diva' en 'n ou Eurovision-gunsteling van haar op te voer, Baccara se inskrywing uit 1978 Parlez-Vous Français? (Praat u Frans?). Sy het ook die liedjie Lola (in Frans gesing) opgeneem, waarop sy 'n video uitgereik het. Hierdie video kan gevind word op die CD Hakol Ze Letova, wat in 2007 vrygestel is as 'n bonus-CD-rom-video.

2007–2011: Terugkeer na musiek en Eurovisie[wysig | wysig bron]

Ondersteunende sangeresse van Dana International by die Eurovisie-sangfees 2011, in Düsseldorf, Duitsland

Na 'n paar jaar weg van vermaakbesigheid, saam met die herloodsing van haar amptelike webwerf, is daar in Maart 2007 'n eerste enkelsnit van die opkomende album vrygestel: "HaKol Ze LeTova" ("Dis alles vir die beste"). Die tweede enkelsnit wat vrygestel is van die album, "Love Boy", het die mees gespeelde liedjie op Israeliese radio in 'n dekade geword. Dit het ook 'n gerespekteerde plek op die Griekse radiostasie FLY FM 89,7 gekry . Die volgende album, ook getiteld Hakol Ze Letova, is op 15 Augustus 2007 vrygestel. "At Mukhana" (Jy is gereed) was die derde enkelsnit. "Seret Hodi" (Indian Movie; feat. Idan Yaniv) [5] was die vierde liedjie wat vrygestel is van die album. Dit het 'n topverkoper in baie aanlynwinkels geword. Die volgende enkelsnit wat van die album vrygestel is, was 'Yom Huledet' (Verjaarsdag).

Op 26 Februarie 2008 behaal Dana 'n bykomende prestasie toe die lied, "Ke'ilu Kan" wat deur haar geskryf en gekomponeer is en deur Boaz Mauda uitgevoer was, op Kdam Eurovision gekies is om Israel te verteenwoordig by Eurovisie-sangfees 2008 in Belgrade, Serwië. Dit het 'n 5de plek in die halfeindronde behaal en 'n 9de plek in die finale rang behaal.

Dana het ook die liedjie "Mifrats HaAhava" ("Die baai van Liefde") opgeneem vir 'n Israeliese weergawe van die TV-program "Paradise Hotel". Sy het ook saam met die Oekraïense duo NeAngely (Nie Engele) gewerk en 'I Need Your Love' opgeneem en 'n video vrygestel. In 2009 speel Dana in 'n spotprent met die naam Dana Kama / Nama vir die selfoonverskaffer Cellcom [6]

Dana het deelgeneem in 'n veldtog vir die Kadima-voorsitter, Tzipi Livni, kort voor die wetgewende verkiesing in Israel in 2009 . Op 'n politieke byeenkoms vir vroue in Jerusalem het Dana 'n disko-lied saam met Livni op die verhoog uitgevoer en aangekondig: "Ek nooi jou nou formeel uit na die diva-susterskap."

In April 2009 tree Dana op tydens die openingskonsert van Tel Aviv-Yafo Eeufees. Sy het 'n cover-weergawe van Danny Robas se liedjie "Lo Nirdemet Tel Aviv" (Tel Aviv slaap nie) voor 250 000 mense uitgevoer.

Ook in 2009 sluit Dana International by die 7de seisoen van " Kokhav Nolad " (die Israeliese weergawe van Pop Idol) aan as 'n beoordelaar, so ook by die 8ste een in 2010. Dana het as haarself 'n gasverskyning gemaak in 'n episode van die tweede reeks van die Britse sitcom Beautiful People, wat rondom haar Eurovision-verskyning afspeel.

Op 8 Maart 2011 het Dana International die Israelse nasionale finaal vir Eurovisie gewen met die liedjie " Ding Dong ", en sy verteenwoordig Israel vir 'n tweede keer by Eurovisie. Die liedjie het nie die finaal gehaal nie; sy was die eerste Eurovisie-wenner wat dit nie gedoen het nie.

2013 – hede: nuwe enkelsnitte, TV-program en album[wysig | wysig bron]

In April 2013, na 'n twee jaar onderbreking, het Dana 'n nuwe enkelsnit, "Ma La'asot" (Wat om te doen), uitgereik. Dit is op 24 April 2013 wêreldwyd digitaal vrygestel. Op 29 Mei het Dana 'n videogreep vir die lied Loca uitgeryk om die Tel Aviv Gay Pride 2013 te bemark. Dana tree op 7 Junie op tydens die hoofgeleentheid vir die Gay Pride. Haar derde enkelsnit vir daardie jaar, "Ir Shlema" ('n hele stad), is in Julie uitgereik. Laat in Januarie 2014 het Dana se nuwe musiekrealiteitsprogram "Yeshnan Banot" gepremière. Dana is die hoofbeoordelaar op die program en probeer Israel se volgende meisiesgroep vind. [7]

Ook in 2014 was Dana die hoofaanloklikheid aan boord die eerste Joodse boot wat aan die Amsterdam Pride Kanaal Parade deelgeneem het. [8] [9] Dana het gesê: "Ek glo nie in enige godsdiens nie, dus is ek hier as 'n Israeli, nie as 'n Jood nie. Maar dit is tyd om die lyding weens godsdiens of nasionale redes te beëindig. Sny net al daai gemors uit. Dit is my boodskap." Voorheen, nadat sy die Eurovisie-liedkompetisie gewen het, is 'n godsdienstige debat gevoer oor of en hoe Dana in 'n sinagoge moes bid, met een rabbynse owerheid wat tot die gevolgtrekking gekom het dat Dana as 'n man in 'n minyan gereken moes word. Sy kon volgens die rabbi nie voor die gemeenskap sing nie, aangesien sy ook 'n vrou was, en dit sou die Ortodokse reel van kol isha oortree. [10]

In Junie 2017 het Dana 'n nuwe enkelsnit met die naam "Ruti" uitgereik. In Augustus 2017 het sy nog 'n enkelsnit vrygestel, genaamd "Yesh Li Ahava (La Costa)" (Ek het Liefde (La Costa)). In November 2017 het sy 'n derde enkelsnit, genaamd "Nish'eret Itcha" (Bly met jou), vrygestel.

In April 2018 neem Dana 'n nuwe weergawe van die Joodse volksliedjie Hava Nagila op om Israel Calling, 'n pre-Eurovisie-geleentheid, te bemark. 20 jaar na haar oorwinning in die 1998 Eurovisie-sangfees in Birmingham met haar liedjie Diva, het Dana in Junie 2018 'n nuwe weergawe van haar treffer vrygestel, in samewerking met NYX Hotel en pagfilms.

In Julie 2018 tree Dana op tydens die betoging tydens die Israelse LGBT se stakingsgeleenthede in 2018 met haar liedjie "Ani Nitzakhti" (Ek het gewen). Later die maand het sy 'n nuwe weergawe van die Joodse liedjie "Mi Ha'Ish" (Wie is die man) vrygestel om die Jerusalem Pride and Tolerance Parade te bemark, waarin sy in Augustus opgetree het.

In Mei 2019 tree Dana op in die Eurovisie-liedjiewedstryd met Bruno Mars se liedjie "Just the way you are".

Dana se Eurovision-plate[wysig | wysig bron]

Jaar Kunstenaar Taal Titel Skrywers Finale Punte Semi Punte Kdam
1995 Dana International Hebreeus "Layla Tov, Eropa" Dana International
Failed to qualify for Eurovision
No Semi-finals 2
1998 Dana International Hebreeus " Diva " Yoav Ginai 1 172 -
2008 Bo'az Ma'uda Hebreeus, Engels " Die vuur in u oë " Dana International, Shay Kerem 9 124 5 104 1
2011 Dana International Hebreeus, Engels " Ding Dong " Dana International
Failed to qualify
15 38 1

Diskografie[wysig | wysig bron]

Albums[wysig | wysig bron]

  • 1993 Danna International (Offer Nissim Presents), IMP Dance
  • 1994 Umpatampa, IMP-dans
  • 1995 EPTampa (aanbod van Nissim), IMP Dance
  • 1996 Maganuna (Crazy), Helicon / Big Foot
  • 1998 Diva - The Hits, IMP Dance
  • 1998 Dana International Die album, Helicon / Big Foot / PolyGram
  • 1999 Gratis, (Europese uitgawe), CNR Music
  • 2000 Gratis, (Israeliese en Japannese uitgawe), NMC / NXCA
  • 2001 Yoter Ve Yoter (Meer en meer), NMC
  • 2002 HaHalom HaEfshari (Die moontlike droom), IMP Dance
  • 2003 Die CD's versameling, IMP Dance
  • 2007 Hakol Ze Letova (Dit is alles op die beste), Hed Arzi Ltd.
  • 1998 "Diva"
  • 2002 "Makat hom (i la dirla da da)"
  • 2008 "I Need Your Love (feat. NeAngely )"
  • 2010 "Alay (feat. Subliminaal) "
  • 2011 " Ding Dong "
  • 2012 "When Men Dance (feat. Yardena Arazi ) "
  • 2013 "Ma La'asot" (Wat kan jy doen? )
  • 2013 " Loca "
  • 2013 "Ir Shlema" (hele stad)
  • 2014 "Down On Me"
  • 2014 "Yeladim Ze Simcha" (Kinders is vreugde)
  • 2014 "Emunot Ktanot" (Little Faiths)
  • 2016 "We Can Make It (feat. Bied Nissim aan "
  • 2017 "Ruti"
  • 2017 "Yesh Li Ahava"
  • 2017 "Nish'eret Itcha"
  • 2019 "Diva to Diva (along Charlotte Perrelli )" ('n spesiale enkelsnit ter herdenking van die 20 jaar van haar oorwinning in die 1998 Eurovision Song Contest )

Sien ook[wysig | wysig bron]

Verwysings[wysig | wysig bron]

  1. Nikia Brown proceeds in Kochav Nolad. The Jerusalem Post
  2. "MyHeritage One Big Family – Dana International". MyHeritage Eurovision.
  3. Dana International – Interview (Romania) op YouTube
  4. "Dana International Returns to Eurovision". Geargiveer vanaf die oorspronklike op 5 April 2012.
  5. DANA INTERNATIONAL FEAT IDAN YANIV – SERET HODI op YouTube
  6. Celebrity Grapevine, Greer Fay Cashman, JPost, 23 November 2008
  7. "iTunes – Music – Ma La'asot (מה לעשות) – Single by Dana International". Besoek op 25 April 2013.
  8. "Jewish boat vying for spot in Amsterdam gay parade". Jewish Telegraphic Agency. 27 Februarie 2014. Geargiveer vanaf die oorspronklike op 7 Oktober 2014. Besoek op 24 Oktober 2014.
  9. "Aboard Amsterdam's Jewish gay boat, activists warn against tolerating hate". Jewish Telegraphic Agency. 4 Augustus 2014. Geargiveer vanaf die oorspronklike op 17 Februarie 2015. Besoek op 24 Oktober 2014.
  10. Schifrin, Dan (19 September 2014). "the space between – Stanford prof: Talmudic rabbis were into analyzing sexuality – j. the Jewish news weekly of Northern California". Besoek op 24 Oktober 2014.

Eksterne skakels[wysig | wysig bron]