David Villa
_(Villa_crop).jpg) Villa saam met die Spanje by die FIFA Sokker-Konfederasiebeker in 2013 | |||
| Persoonlike inligting | |||
|---|---|---|---|
| Geboortenaam | David Villa Sánchez[1] | ||
| Gebore | 3 Desember 1981[1] | ||
| Geboorteplek | Langreo, Spanje | ||
| Lengte | 1.75 m[1] | ||
| Speelposisie | Voorspeler | ||
| Jeugloopbaan | |||
| 1991–1999 | Langreo | ||
| 1999–2000 | Sporting Gijón | ||
| Seniorloopbaan* | |||
| Jare | Span | Kere† | (Doele)† |
| 2000–2001 | Sporting Gijón B | 36 | (14) |
| 2001–2003 | Sporting Gijón | 80 | (38) |
| 2003–2005 | Real Zaragoza | 73 | (32) |
| 2005–2010 | Valencia[2] | 166 | (108) |
| 2010–2013 | Barcelona | 77 | (33) |
| 2013–2014 | Atlético Madrid | 36 | (13) |
| 2014–2018 | New York City FC | 117 | (77) |
| 2014 | → Melbourne City (leen) | 4 | (2) |
| 2019–2020 | Vissel Kobe | 28 | (13) |
| Totaal | 617 | (330) | |
| Nasionale span | |||
| 2001–2002 | Asturië | 2 | (1) |
| 2002–2003 | Spanje O/21 | 7 | (0) |
| 2005–2017 | Spanje | 98 | (59) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
David Villa Sánchez (Spaanse uitspraak: [daˈβið ˈbiʎa santʃeθ]; gebore 3 Desember 1981) is ’n Spaanse voormalige professionele sokkerspeler wat as ’n voorspeler gespeel het. Villa word beskou as een van die beste aanvallers van sy generasie, en is die Spaanse nasionale span se algehele topskuts van alle tye. Hy is tans die vise-president van die Spaanse Tercera Federación-klub CF Benidorm.[3]
Villa het die bynaam "El Guaje" (Die Kind in Asturies) gekry vanweë sy reputasie om saam met ouer kinders sokker te speel.[4][5] As kind het hy ’n ernstige besering opgedoen, maar het daarin geslaag om sy professionele loopbaan in 2001 by Sporting de Gijón te begin. Ná twee seisoene het hy na Real Zaragoza oorgegaan, waar hy sy La Liga-debuut gemaak het en die Copa del Rey en Supercopa de España gewen het. In 2005 het hy vir €12 miljoen by Valencia aangesluit en nóg ’n Copa del Rey gewen.
Na vyf seisoene in Valencia, waar Villa homself as een van die topspelers in La Liga gevestig het, het hy in 2010 vir €40 miljoen by Barcelona aangesluit. In sy eerste seisoen het hy sy eerste La Liga- en UEFA Champions League-titels gewen en het hy in die 2011-einstryd ’n doel aangeteken. In 2013 het hy by die klub wegbeweeg en na Atlético Madrid oorgegaan, waar hy nog ’n La Liga-titel gewen het en die eindstryd van die UEFA Champions League 2014 gehaal het. Ná een seisoen in Madrid het Villa na die nuwe MLS-klub New York City verhuis, waar hy die klub se rekorddoelskutter en speler met die meeste verskynings geword het, en die MLS Mees Waardevolle Speler-toekenning in 2016 gewen het. In 2018 het hy sy vertrek aangekondig om by Vissel Kobe in Japan aan te sluit, voordat hy in 2020 afgetree het.[6]
Villa het sy internasionale debuut vir Spanje in 2005 gemaak. Hy het aan vier groot toernooie deelgeneem en was ’n sleutelspeler in die Spaanse spanne wat UEFA Euro 2008 en die 2010 FIFA Wêreldbeker gewen het. Hy het drie doele in die 2006 Wêreldbeker aangeteken, was die topskuts by Euro 2008, en het die Silwerstewel tydens die 2010 Wêreldbeker gewen. Sy spel vir Spanje en Valencia het hom in 2010 ’n plek in die FIFPro Wêreldspan en die UEFA-span van die Jaar besorg. Ná sy doel tydens die 2014 Wêreldbeker, het Villa homself gevestig as Spanje se topskuts in Wêreldbeker-geskiedenis met nege doele.[7] Hy was ook die eerste Spaanse speler om 50 internasionale doele te bereik, en het ná ’n kort terugkeer in 2017 met 59 doele in 98 wedstryde van internasionale sokker afgetree.
Verwysings
[wysig | wysig bron]- ↑ 1,0 1,1 1,2 "FIFA World Cup South Africa 2010: List of Players: Spain" (PDF). FIFA. 4 Junie 2010. p. 29. Geargiveer vanaf die oorspronklike (PDF) op 16 Junie 2010. Besoek op 13 September 2013.
- ↑ "David Villa Stats". FBref.com (in Engels). Besoek op 2 Junie 2021.
- ↑ "La sociedad de David Villa y Víctor Oñate adquiere la propiedad del CF Benidorm" (in Spaans). cfbenidorm.es. 8 Maart 2023. Besoek op 8 Oktober 2024.
- ↑ "David Villa - Barcelona FC". Geargiveer vanaf die oorspronklike op 16 Julie 2013.
- ↑ "David Villa Sánchez - FC Barcelona player". Geargiveer vanaf die oorspronklike op 2 November 2014. Besoek op 2 November 2014.
- ↑ "David Villa: Ex-Barcelona striker to join Andres Iniesta at Vissel Kobe". BBC Sport. 1 Desember 2018. Besoek op 20 Desember 2018.
- ↑ "Goalscoring for Spain National Team". rsssf.org. Geargiveer vanaf die oorspronklike op 4 Februarie 2009. Besoek op 12 Februarie 2009.
Normdata  |
|
|---|