3 Desember

3 Desember is die 337ste dag van die jaar in die Gregoriaanse kalender (338ste in skrikkeljare). Daar volg nog 28 dae in die res van die jaar.

Gebeure

• 1334 – Pous Johannes XXII trek sy sienings oor die lewe na die dood terug op sy sterfbed.
• 1477 – Giuliano della Rovere (later Pous Julius II) word biskop van Viviers.
• 1818 – Illinois word die 21ste deelstaat van die Verenigde State.
• 1904 – Jupiter se maan Himalia word deur Charles Dillon Perrine ontdek.
• 1967 – Die wêreld se eerste menslike hartoorplanting vind onder leiding van Chris Barnard in Kaapstad plaas.
• 1971 – Indië kondig ’n noodtoestand aan nadat Pakistanse vliegtuie noordwes-Indië aanval in ’n dispuut oor Kasjmir.
• 1973 – Pioneer 10 beweeg op 'n afstand van 130 000 km langs Jupiter verby en stuur die eerste detailopnames na die aarde.
• 1984 – Die Bhopal-gasramp, die wêreld se ergste nywerheidsongeluk veroorsaak ten minste 18 000 sterftes in die Indiese stad Bhopal.
• 1999 – Die Mars-poollandingstuig bereik Mars en verdwyn.
• 2024 – Suid-Koreaanse president Yoon Suk-yeol kondig krygswet af in Suid-Korea tydens 'n laataand-toespraak.

Geboortes

• 1368 – Karel VI van Frankryk, koning van Frankryk († 1422).
• 1736 – Abraham Josias Sluysken, waarnemende kommissaris aan die Kaap voor die eerste Britse besetting († 1799).
• 1797 – Andrew Smith, Skotse dierkundige in Suid-Afrika († 1872).
• 1800 – France Prešeren, Sloweense digter († 1849).
• 1812 – Hendrik Conscience, Vlaamse skrywer († 1883).
• 1843 – William Forbes Gatacre, Britse generaal tydens die Tweede Vryheidsoorlog († 1906).
• 1857 – Joseph Conrad, Engelse skrywer († 1924).
• 1864 – Herman Heijermans, Nederlandse skrywer († 1924).
• 1886 – Chris Euvrard, Afrikaanse skrywer van romans († 1984).
• 1893 – Rose Blumkin, Amerikaanse sakevrou († 1998).
• 1902 – Mitsuo Fuchida, 'n Japannese kaptein in die Japannese Keiserlike Vlootlugmag († 1976).
• 1908 – Dulcie Howes, Suid-Afrikaanse ballerina en balletpionier († 1993).
• 1909 – Wim Hartman, Afrikaanse skrywer († 1966).
• 1930 – Jean-Luc Godard, Frans-Switserse filmregisseur, draaiboekskrywer en filmkritikus († 2022).
• 1936 – Mary Alice, Amerikaanse aktrise († 2022).
• 1942 – Pedro Rocha, Uruguaanse sokkerspeler († 2013).
• 1948 – Ozzy Osbourne, Engelse sanger († 2025).
• 1952 – Mel Smith, Britse skrywer, akteur en regisseur († 2013).
• 1954 – Etienne van Heerden, Suid-Afrikaanse skrywer.
• 1955 – Bruce Fordyce, Suid-Afrikaanse maraton- en ultramaratonatleet.
• 1976 – Mark Boucher, Suid-Afrikaanse krieketspeler en -afrigter.
• 1980 – Suléne Pilon, taalkundige aan die Universiteit van Pretoria se Departement Afrikaans en voorsitter van die Taalkommissie.

Sterftes

• 311 – Diocletianus, keiser van die Romeinse Ryk (* 244).
• 1154 – Pous Anastasius IV, 168ste pous van die Rooms-Katolieke Kerk (* onbekend).
• 1888 – Carl Zeiss, Duitse nyweraar en optikus (* 1816).
• 1948 – Jannie Hofmeyr, Suid-Afrikaanse geleerde en politikus (* 1894).
• 1967 – Denise Darvall, hartskenker vir die eerste menslike hartoorplanting (* 1942).
• 2001 – Marike de Klerk, eerste vrou van die voormalige Staatspresident van Suid-Afrika, F.W. de Klerk (* 1937).
• 2018 – Justin Cartwright, Britse skrywer (* 1945).
• 2024 – Jan Bloukaas, Suid-Afrikaanse musikant (* 1999).

Vakansies, vierings, en waarnemingsdae

• Geen

Gepubliseer

Teologie

• 1740 – Ubi Primum, Oor die pligte van biskoppe, deur Pous Benedictus XIV.
• 1749 – Inter praeteritos, Oor die komende Heilige Jaar, deur Pous Benedictus XIV.
• 1839 – In Supremo Apostolatus, Teen slawehandel, deur Pous Gregorius XVI.