Derek Keys

in Wikipedia, die vrye ensiklopedie
Jump to navigation Jump to search
Derek Keys
Derek Keys

Minister van Finansies
Ampstermyn
Mei 1992 – 19 September 1994
President F.W. de Klerk
Nelson Mandela
Voorafgegaan deur Barend du Plessis
Opgevolg deur Chris Liebenberg

Persoonlike besonderhede
Gebore (1931-08-30)30 Augustus 1931
Johannesburg, Suid-Afrika
Sterf 29 April 2018 (op 86)
Alma mater Universiteit van die Witwatersrand

Derek Lyle Keys (30 Augustus 1931–29 April 2018)[1][2] was 'n Suid-Afrikaanse sakeleier wat van 1992 tot September 1994 in die kabinette van F.W. de Klerk en Nelson Mandela as minister van finansies gedien het.

Vroeë lewe[wysig | wysig bron]

Hy is in Johannesburg gebore en het aan die Universiteit van die Witwatersrand studeer waar hy in 1950 'n Baccalaureus Commerciale graad behaal het. In 1954 bekwaam hy hom as geoktrooieerde rekenmeester.

Loopbaan[wysig | wysig bron]

Keys het in 1956 by die Nywerheidontwikkelingskorporasie (NOK) van Suid-Afrika aangesluit. In die daaropvolgende agt jaar was hy betrokke by die ontwikkeling van baie van die belangrikste Suid-Afrikaanse bedrywe. Tot in 1986 het Keys hoofsaaklik 'n adviserende rol gespeel vir verskeie internasionale en plaaslike ondernemings wat in Suid-Afrika bedrywig was as bestuurskonsultant. Gedurende hierdie 21 jaar het hy onder meer op Asea, Sandvik en Sappi se direksies gedien. [3]

Voordat hy 'n kabinetsminister geword het, was hy die uitvoerende voorsitter van die mynhuis Gencor van 1986 tot 1991.[4]

In Desember 1991 word Keys as Minister van Ekonomiese Koördinering en van Handel en Nywerheid aangewys. [5] In Mei 1992 is die portefeulje van Minister van Finansies ook aan Keys toevertrou. Hy het voorheen in regeringsliggame in 'n adviserende hoedanigheid gedien, waaronder die Kommissie vir elektrisiteit, die Belastingadvieskomitee en die Staatspresident se Ekonomiese Adviesraad.

Keys bedank as minister op 6 Julie 1994 en word op 19 September deur die bankier Chris Liebenberg opgevolg.[6]

Verwysings[wysig | wysig bron]

  1. "Former finance minister Derek Keys dies".
  2. "Derek Lyle Keys profile". sahistory.org.za. 14 August 2012. Besoek op 30 April 2018.
  3. "Keys, Derek Lyle". nelsonmandela.org.
  4. "Gencor Ltd. - Company Profile". referenceforbusiness.com. Besoek op 30 April 2018.
  5. jonas (5 Desember 2011). "Cabinet is reshuffled, and the head of the mining house Gencor, Derek Keys, is appointed Minister of Trade and Industry". www.sahistory.org.za.
  6. "Finance Minister Derek Keys resigns and former banker, Chris Liebenberg takes his place".