Frederick Sturrock

in Wikipedia, die vrye ensiklopedie
Jump to navigation Jump to search
Frederick Sturrock
Frederick Sturrock

Frederick Sturrock was Suid-Afrika se minister van spoorweë en hawens van 6 September 1939, kort ná die skeuring in die Verenigde Party oor Suid-Afrika se oorlogsverklaring teen Duitsland, en 10 April 1944. Op 11 April 1944 word hy die land se eerste minister van vervoer en bly aan in die amp tot 15 Januarie 1948.


Minister van Finansies
Ampstermyn
Januarie 1948 – Junie 1948
Eerste minister Jan Christian Smuts
Voorafgegaan deur Jannie Hofmeyr
Opgevolg deur Nicolaas Havenga

Minister vir Transport
Ampstermyn
1938 – 1948
Eerste minister Jan Christian Smuts
Voorafgegaan deur Adriaan Fourie
Opgevolg deur Sidney Frank Waterson

Minister sonder portefeulje
Ampstermyn
1936 – 1938
Eerste minister Barry Hertzog

Lid van die Volksraad vir Turffontein
Ampstermyn
1929 – 1950
Eerste minister Barry Hertzog, Jan Christian Smuts, Daniël François Malan

Persoonlike besonderhede
Geboorte Frederick Claud Sturrock
25 Mei 1882
Newport-on-Tay, Skotland
Sterfte 5 Augustus 1959
Kaapstad, Kaapprovinsie, Suid-Afrika
Politieke party Suid-Afrikaanse Party (1929-1934)
Verenigde Party (1934-1950)
Alma mater Universiteit van Dundee
Genl. Jan Smuts gesels met lede van kabinet, sen. A.M. Conroy, James Wellwood Mushet, Jannie Hofmeyr en Sturrock, in 1946.

Frederick Claud Sturrock (Newport, Skotland, 25 Mei 1882 - Kaapstad, 5 Augustus 1959) was 'n Suid-Afrikaanse sakeman, politikus en die land se eerste minister van vervoer toe die beskrywing van die minister van spoorweë en hawens se amp op 11 April 1944 na die huidige beskrywing verander word.

Hy kry sy opleiding as ingenieur in Dundee, Skotland, kom in 1907 Suid-Afrika en vestig hom in Johannesburg waar hy 'n mynbou- en ingenieursaak vestig. In 1918 word hy gekies as voorsitter van die Johannesburgse Kamer van Koophandel.

In 1924 dien hy in die Kommissie oor Onderwysadministrasie. Twee jaar later is hy weer voorsitter van die Johannesburgse Kamer van Koophandel en in 1929 word hy gekies as Volksraadslid vir Turffontein. In 1936 word hy as lid van die Verenigde Party aangestel as minister sonder portefeulje in genl. J.B.M. Hertzog se kabinet.

Hy bedank egter in 1938 saam met Jannie Hofmeyr oor die beginsel van naturelleverteenwoordiging in die Senaat. Ná Hertzog in 1939 as eerste minister bedank oor die vraagstuk van deelname aan die Tweede Wêreldoorlog, word Sturrock minister van vervoer in genl. Jan Smuts se oorlogskabinet.

Kort voor die 1948-verkiesing word hy ook minister van finansies. Hy bedank twee jaar later as Volksraadslid en sterf in 1959 in Kaapstad.

Bronne[wysig | wysig bron]

  • Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.