Distikstoftrioksied

Eienskappe

Algemeen
Naam	Distikstoftrioksied
Ander name	stikstof(III)oksied
Struktuurformule van
Chemiese formule	N2O3
Molêre massa	76,0116 g/mol
CAS-nommer	10544-73-7
Voorkoms	blou vloeistof (onder druk)
Reuk	onaangenaam
Fasegedrag
Smeltpunt	-100,1 °C
Kookpunt	+3,5 °C
Digtheid	1,447 g/cm3 (l); 1,694 (s)
Oplosbaarheid	Reageer met water
Brekingsindeks	1,531 °C
ΔfHɵ (s)	21,628 kcal/mol @0 K
ΔfHɵ (l)	12.03 kcal/mol @300 K
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Distokstoftrioksied is 'n chemiese verbinding van stikstof en suurstof met formule N₂O₃. Dit is die anhidraat van nitroësuur.

Die eerste chemikus wat dit vervaardig het, is Gay-Lussac in 1816. Dit is 'n giftige en reaktiewe gas wat onder ligte druk 'n vloeistof vorm. By 'n temperatuur laer as -100,1 °C is dit 'n ligteblou vastestof wat smelt tot 'n diepblou vloeistof. By 'n temperatuur van omtrent 0 °C kry dit 'n groen kleur omrede daar in hierdie vloeistof 'n ontbindingsewewig plaasvind:

$N_{2}O_{3}\rightleftharpoons NO+NO_{2}$

en

$2NO_{2}\rightleftharpoons N_{2}O_{4}$

Die tetroksied is gelerig en saam met die blou kleur gee dit groen.

Die stof reageer met water en vorm nitroësuur. Hierdie reaksie is in ewewig:

$2HNO_{2}\rightleftharpoons N_{2}O_{3}+H_{2}O$

Die ewewigskonstante

$K={\frac {[N_{2}O_{3}]}{[HNO_{2}]^{2}}}\approx 3,0x10^{-3}$

N₂O₃ kan uit NO en N₂O₄ by -20 °C vervaardig word. 'n Ander metode is om 1:1 verdunde salpetersuur op arseen(III)oksied te drup teen 70 °C:

$2HNO_{3}+2H_{2}O+As_{2}O_{3}\to N_{2}O_{3}+2H_{3}AsO_{4}$

Distikstoftrioksied kan gebruik word om nitrosielsoute van sterk sure te vervaardig, soos NO⁺HSO−4, NO⁺HSeO−4 of NO⁺BF−4