Durban Internasionale Lughawe
- Nota: Hierdie lughawe word nie meer kommersieel gebruik nie. Vir Durban se huidige lughawe, sien Koning Shaka Internasionale Lughawe.
| Durban Internasionale Lughawe | |||
|---|---|---|---|
| |||
| IATA: | |||
| Opsomming | |||
| Tipe lughawe | Militêr (tydelik) | ||
| Operateur | Suid-Afrikaanse Lugmag | ||
| Ligging | Durban, Suid-Afrika | ||
| Hoogte bo seevlak | 29 vt / 9 m | ||
| Koördinate | 29°58′07″S 030°56′52″O / 29.96861°S 30.94778°OKoördinate: 29°58′07″S 030°56′52″O / 29.96861°S 30.94778°O | ||
| Landkaart | |||
  FADN | |||
| Aanloopbane | |||
| Rigting | Lengte | Oppervlak | |
| vt | m | ||
| 06/24 | 8 000 | 2 439 | Geplavei |
| Statistieke (1951-2010) | |||
| Passasiers | 254 904 740 | ||
Durban Internasionale Lughawe (voorheen bekend as Louis Botha-lughawe) was die internasionale lughawe van Durban van 1951 tot 2010, toe dit vervang is deur Koning Shaka Internasionale Lughawe, 60 km na die noorde. Die lughawe huisves tydelik die Lugmagbasis Durban.
Geskiedenis[wysig | wysig bron]
Die lughawe is in 1951 geopen toe dit die Stamford Hill-vliegveld vervang het.[1] Die oorspronklike naam van die lughawe was Louis Botha Internasionaal, vernoem na die Suid-Afrikaanse eerste minister. Die lughawe het hierdie naam behou tot 1994, toe die politieke veranderinge wat in daardie jaar in Suid-Afrika gekom het, gelei het tot die verandering van die naam na die Durban Internasionale Lughawe. Terwyl die lughawe die plaaslike mark goed bedien het, het die lughawe gebuk gegaan onder die lae internasionale passasiersgetalle en 'n aanloopbaan wat te kort was vir 'n volgelaaide Boeing 747 om op te styg. Weens die kort aanloopbaan en die middelpunt-beleid wat in die negentigerjare aangeneem is (ten gunste van die O.R. Tambo Internasionale Lughawe in Johannesburg), het Durban byna al sy internasionale lugverkeer verloor.
Planne om die lughawe na La Mercy, ongeveer 60 km noord van Durban Internasionale Lughawe te verskuif, is tussen die 1970's en 2007 verskeie kere voorgestel en uitgestel voordat die bou van die Koning Shaka Internasionale Lughawe in September 2007 begin het. Die konstruksie van die nuwe lughawe is in 2010 voltooi, met die Durban Internasionale Lughawe wat sy finale vlug op 30 April 2010 hanteer het. Alle vlugte is in een enkele skuif oornag na die King Shaka Internasionale Lughawe oorgeplaas.
Die lughawe is deur die Suid-Afrikaanse Lugmag en die Polisie se Lugvleuel gebruik gedurende die FIFA Sokker-Wêreldbekertoernooi in 2010 voor dit uit gebruik gestel is.
Verwysings[wysig | wysig bron]
- ↑ "The History of Aviation in Durban". Facts about Durban. Besoek op 30 April 2010.
| Hierdie artikel is in sy geheel of gedeeltelik vanuit die Engelse Wikipedia vertaal. |
