Duwweltjie

in Wikipedia, die vrye ensiklopedie
Jump to navigation Jump to search
Duwweltjie
Dubbeltjie
Wetenskaplike klassifikasie
Koninkryk: Plantae
(klade): Angiosperms
(klade): Eudicots
(klade): Rosids
Orde: Zygophyllales
Familie: Zygophyllaceae
Subfamilie: Tribuloideae
Genus: Tribulus
Spesie: T. terrestris
Binomiale naam
Tribulus terrestris
L.

Die duwweltjie[1] (Tribulus terrestris L.) is 'n plantjie wat inheems is aan die hele Suid-Afrika, behalwe Mpumalanga. Op die SANBI-rooilys is dit as veilig (LC) gelys.[2] Dit is ook inheems aan suidelike Europa.[3]

Dit kom wydverspreid oor die hele Suider-Afrika voor, veral waar die veld versteur of uitgetrap is. Dit groei vinnig as daar genoeg reën is, maar verlep tydens droë tydperke.

Dit is 'n eenjarige plant met 'n penwortel wat tot 1,5 m diep kan word. Dit groei dikwels as onkruid in tuine en is berug vir sy harde stekelrige vruggies, wat kaalvoetloop pynlik maak.[4] Dit kan selfs deur leer en fietsbande steek.[5]

In Noord-Amerika is dit 'n indringerplant wat die opbrengs van oeste kan verminder omrede dit met sy penwortel voedingstowwe en water wegneem. Vir natuurlike plaagbeheer is twee insekte (kalanders) in 1962 uit Europa ingevoer, nl. Microlarinus lareynii en M. lypriformis. M. lareynii lê sy eiertjies in die duwweltjie se saadjies en M. lypriformis op die onderkant van die stingels en blare.[6]

Diere soos skape is baie lief vir dié plant, maar dit raak giftig (veral as dit verlep raak) en veroorsaak dan geeldikkop by skape.[7]

Fotogalery[wysig | wysig bron]

Verwysings[wysig | wysig bron]

  1. ook genoem: dubbeltjie, dubbeltjiedoring, hondedoring, volstruisdoring, volstruisdubbeltjie
  2. SANBI-rooilys.
  3. Flora Europeae.
  4. Anka Eichhoff se plantstories.
  5. Gerald Schofield, Bill Sheat (1995). Complete Gardening in Southern Africa. Struik. ISBN 1868257045. 
  6. Pests in Gardens and Landscapes Puncturevine.
  7. Vra vir Faffa; landbou.com.