Edoardo Villa-museum, Pretoria

in Wikipedia, die vrye ensiklopedie
Spring na: navigasie, soek
Edoardo Villa-museum, Pretoria
'n Beeld van die museum.
Die Edoardo Villa-museum word gehuisves in die Ou Merensky-biblioteek op die Hatfieldkampus van die Universiteit van Pretoria.

Plek Pretoria
Land Vlag van Suid-Afrika Suid-Afrika
Openingsjaar 1995
Tipe museum Kunsmuseum
Webtuiste University of Pretoria Museums: Edoardo Villa Collection

Die Edoardo Villa-museum in Pretoria is 'n kunsmuseum geleë in die Ou Merensky-biblioteek by die Hatfieldkampus van die Universiteit van Pretoria. Die museum huisves 'n versameling beeldhouerke deur die Suid-Afrikaanse beeldhouer van Italiaanse afkoms, Edoardo Villa.

Geskiedenis[wysig | wysig bron]

Edoardo Villa

Edoardo Villa is in 1915 in Italië gebore. Villa het tydens die Tweede Wêreldoorlog in die Italiaanse weermag gedien, en is in Noord-Afrika gewond en gevange geneem, waarna hy na die Zonderwater-krygsgevangenekamp naby Cullinan gestuur is. Hy is in 1947 vrygelaat, en besluit om in Suid-Afrika aan te bly en as beeldhouer te werk. Die museum het sy ontstaan te danke aan die sowat 140 beeldhouwerke wat Villa in 1994 en 1995 aan die Universiteit van Pretoria geskenk het. Villa, tesame met Dr Andre Breedt en Mnr. Uwe Gunter was betrokke by die beplanning van die museum wat amptelik op 31 Mei 1995, op Edoardo Villa se 80ste verjaardag, geopen is. Mnr. Gunter was die eerste kurator van die museum. Gedurende die eerste 14 jaar van die museum se bestaan is 51 kunswerke tot die versameling bygevoeg. Die Edoardo Villamuseum huisves tans die grootste enkele versameling van kunswerke deur dié kunstenaar en bied 'n oorsig van sy werk tussen 1943 en 2004.[1] Villa is op 1 Mei 2011 in Johannesburg oorlede.[2]

Villa-museum in Italië[wysig | wysig bron]

'n Tweede Villa-museum is deur Giovanni Cervi, 'n vurige versamelaar van Villa se beeldhouwerke, naby Villa se geboorteplek in Treviglio, Italië, geopen.[3]

Verwysings[wysig | wysig bron]

  1. "Museums & Collections – Edoardo Villa Collection". University of Pretoria. Verkry op 9 Maart 2017. 
  2. "Sunday Times: 2011-05-08 – Eduardo Villa". Sunday Times. Verkry op 9 Maart 2017. 
  3. "Johans Borman Fine Art: Edoardo Villa (1915–2011)". www.johansborman.co.za. Verkry op 9 Maart 2017. 

Koördinate: 25°45′16.8″S 28°13′47.7″O / 25.754667°S 28.229917°O / -25.754667; 28.229917