Elliot

in Wikipedia, die vrye ensiklopedie
Elliot
'n Straat in die middedorp van Elliot
'n Straat in die middedorp van Elliot
Elliot is in Oos-Kaap
Elliot
Elliot
 Elliot se ligging in Oos-Kaap
Koördinate: 31°20′S 27°51′O / 31.333°S 27.850°O / -31.333; 27.850Koördinate: 31°20′S 27°51′O / 31.333°S 27.850°O / -31.333; 27.850
LandVlag van Suid-Afrika Suid-Afrika
ProvinsieOos-Kaap
DistrikChris Hani
MunisipaliteitSakhisizwe
Stigting1885
Oppervlak
 • Totaal28,85 km2 (11,14 vk. myl)
Hoogte
1 451 m (4 760 ft)
Bevolking
 (2011)[1]
 • Totaal14 376
 • Digtheid498/km2 (1 290/vk. myl)
Rasverdeling (2011)
 • Wit mense2.7%
 • Indiërs/Asiërs0.4%
 • Bruin mense2.6%
 • Swart mense93.9%
 • Ander0.3%
Taal (2011)
 • Xhosa 87.1%
 • Afrikaans 4.5%
 • Engels 4.5%
 • Gebaretaal 1.7%
 • Ander 2.3%
Poskode (strate)
5460
Poskode (posbusse)
5460
Skakelkode045
Elliot se stadsaal waarvan sir Frederick de Waal die hoeksteen in 1914 gelê het.
Die NG gemeente Elliot se derde en huidige kerkgebou is in Mei 1932 ingewy.
'n Uitsig van die dorp af oor die township.

Elliot (amptelik Khowa) is 'n dorp in die Noordoos-Kaap, 66 km suidwes van Maclear en 55 km (63 km per pad) suidoos van Barkly-Oos.[2] Dit was destyds net 9 km van die grens met die tuisland Transkei.

Die dorpie is in 1885 aangelê en word 'n munisipaliteit in 1911. Dit is genoem na sir Henry Elliot (1826 tot 1912), hooflanddros van die Transkeise gebiede van 1891 tot 1902. Die dorpie is 'n belangrike landbousentrum en skilderagtig aan die voet van die Drakensberg geleë. Die bevolking het aangegroei tot 14 376 in 2011 nadat dit slegs 6 080 was in 1980.

NG gemeente[wysig | wysig bron]

Die gemeente is in 1890 deur die Ring van Burgersdorp gestig deur die toedoen van ds. W.A. Alheit, wat erg bekommerd was oor die lot van die verstrooide lede van die Nederduitse Gereformeerde Kerk in die grensgebied. Die dorpie het destyds uit sowat 10 huise bestaan, terwyl die plase uitgestrek en moeilik bereikbaar was.

Ds. J.C. du Plessis het van November 1891 tot November 1933 42 jaar lank hier gewerk. In sy dienstydperk is die gemeente se tweede kerkgebou midde-in die Tweede Vryheidsoorlog ingewy teen 'n koste van £2 000, 'n groot prestasie vir 'n arm gemeente te midde van groot storm en woeling. Die gebou het later as kerksaal gedien. In Mei 1932 is die huidige kerkgebou ingewy.

In 1919 was die ledetal reeds 1 100 en het die wyke Cala en Embokotwa as die NG gemeente Du Plessis afgestig. Met die ontvolking van die platteland en die apartheidsregering se tuisland-konsolidasie het die Afrikaners in die gebied egter in so 'n mate afgeneem, dat Du Plessis later jare by Indwe ingelyf moes word. In 1912 was daar deur die kerk se toedoen reeds 15 skole in die distrik met meer as 600 (Afrikaner-)kinders.

Die omgewing is ook getref deur die ontvolking van die platteland, In 1972 was hier nog 670 volwasse lidmate, dog in 1994 net 350, in 2006 255 en in 2012 234.

Bekende boorlinge[wysig | wysig bron]

Galery[wysig | wysig bron]

Openbare geboue[wysig | wysig bron]

Woonhuise[wysig | wysig bron]

Sakegeboue[wysig | wysig bron]

Sien ook[wysig | wysig bron]

Bronne[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Elliot". Sensus 2011.
  2. http://www.saexplorer.co.za/south-africa/distance/elliot_distance.asp